АБНА24 Хәбәр Верир, фәләстинли мәнбәләр билдирибләр ки, Фәләстин мүгавимәти гәсб олулнмуш әразиләрә тәрәф он әдәддән чох ракет атыбдыр.
Бир нечә сионистсакинли гәсәбәдә һәјәҹан сигналы чалыныб. Сионистләр Фәләстин мүгавимәтинин ракет һүҹумундан горхублар.
Бу ракет һүҹуму, сионистләрин гәсб едилмиш Гүдсдә ҝүллә илә бир фәләстинли ҝәнҹи шәһид етмәләри, һәмчинин ишғал олунмуш әразиләрин шималында јерләшән «Ҹәлбу» мәһбәсиндән гачмыш алты фәләстинли әсирдән икисини һәбс етмәләриндән аз сонра һәјата кечирилиб.
Фәләстин Ислами Ҹиһад Һәрәкатынын башчыларындан олан Халид Әлбәтәш дүнән сионист режимә хәбәрдарлыг етмишди ки, бу алты фәләстинли әсирә һәр һансы басгынын едилмәси вә зијанын вурулмасы Фәләстин мүгавимәтинин сәрт ҹавабы илә үзләшәҹәк.
Әлбәтәш һәмчинин өлкәләр, тәшкилатлар вә инсан һаглары органларындан истәмишди ки, фәләстинли әсирләрә гаршы репрессив һәрәкәтләрини дајандырмасы үчүн сионист режими тәзјиг алтында гојсунлар.
Һал-һазырда дөрд мин сәккиз јүзә јахын фәләстинли, сионист режим мәһбәсләриндә әсирдир. Онларын арасында онларла јашлы шәхс вә тәгрибән гырх гадын вә јүз јетмиш ушаг ҝөрүнүр.
Сионист режим мәһбәсләриндәки фәләстинли әсирләр даима гејри-инсани рәфтарлар, руһи вә ҹисмани ишҝәнҹәләрә мәруз галырлар.
342/
12 sentyabr 2021 - 14:59
Xəbər kodu: 1179365
Гәззә золағындакы Фәләстин мүгавимәти бу ҝүн сәһәр тездән гәсб олулнмуш әразиләри ракет һүҹуму һәдәфинә чевириб.
