Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, дүнән ҹүмә ҝүнү бир кәнд сакининин вә мүстәгил мәтбуатларын вердији хәбәрләрә ҝөрә, ијул ајындан бәри Мјанманын һөкумәти вә мүгавимәт гүввәләри арасында ән өлүмҹүл тоггушма баш вериб. Белә ки, сөзү ҝедән өтән ҝүнкү тоггушмаларда бир нечә јенијетмә дә дахил олмагла 15-20 кәнд сакини өлдүрүлмүшдүр.
Дөјүшләр, Милли Бирлик Һөкумәтинин үмуммилли үсјан чағырышындан ики ҝүн сонра, Ҹүмә Ахшамы ҝүнү, Маҝуи'нин шимал -гәрбиндәки Ҝанҝау шәһәри јахынлығында, өлкәдәки һәрби вәзијјәтә ҝөстәрилән мүгавимәти координасија етмәјә чалышан бир мүхалифәт тәшкилаты тәрәфиндән башладылар.
Јерли бир сакинин Ассоҹиатед Пресс -ә телефонла вердији мәлумата ҝөрә, 100 -дән чох әсҝәр дөрд һәрби машынла Мин Тарда вә јахынлыгдакы диҝәр 5 кәнддә тәһлүкәсизлији тәмин етмәк үчүн ҝәлидикләри заман тоггушмалар баш верибдир.
Күтләви информасија васитәләринә данышмаг сәлаһијјәти олмадығы үчүн адынын ачыгланмасыны истәмәјән силаһлы кәнд сакини, кәнди мүдафиә едән әлисилаһлыларын һәрби машынларын мәнтәгәјә ҝәлдикләрини ҝөрдүкдә ҝөјә хәбәрдарлыг атәши ачдығыны, анҹаг гошунларын бөлҝәјә ҝирмәсинә мане ола билмәдијини вә гаршыдурмаларын давам етдијини сөјләјиб.
………………….
Хәбәрин сону / 218
Диггәт: Хәбәрдән Истифадә Етдикдә Мәнбәјә Истинад Лазымдыр!
