АБНА24 Хәбәр Верир, Әфганыстанда һакимијјәти әлә кечирмиш Талибан групу өлкәдә формалашаҹаг јени һөкумәтә кимин рәһбәрлик едәҹәјини ачыглајыб.
ТАСС Аҝентлији хәбәр верир ки, бу барәдә групун нүмајәндәләри мәлумат верибләр. Јени һөкумәтә Молла Әбдүлғәни Бәрадәр башчылыг едәҹәк.
Гејд едәк ки, бундан өнҹә Молла Әбдүлғәни Бәрадәрин тәшкил едиләҹәк һөкумәтдә ХИН рәһбәри олаҹағы дејилиб.
Һәрәкатын мәнбәләри билдирибләр ки, сабиг лидер Молла Өмәрин оғлуЈәгуб Мәһәммәд Өмәр, мүдафиә назири, Хәлифә Һәггани исә дахили ишләр назири олаҹаг.
Диҝәр танынмыш үзвләр Мәһәммәд Нәим вә Зәбиһулла Мүҹаһидин Информасија вә Мәдәнијјәт назирләри гисминдә јер алаҹаглары тәхмин едилир.
Талибан мәнбәләри јени һөкумәтдә гадынларын олмајаҹағыны билдирибләр.
Бу арада Әфганыстандан дахил олан диҝәр мәлуматда билдирилир ки, Талибан бөјүк иткиләр верир вә бөлҝәләрә нәзарәти итирир
Әфганыстан Мүгавимәт ордусу, Кабилин шималындакы Пәрван әјаләтинин мәркәзи олан Чарикар шәһәрини әлә кечириб. Талибан гүввәләри ағыр итки верәрәк, ҝери чәкилиб.
Мүгавимәт ордусунун нүмајәндәләри “Тwиттер”-дә јазыб ки, дүнән ҝеҹә Талибан бир нечә истигамәтдән Пәнҹшир Вадисинә һүҹумларыны давам етдириб. Онларын сөзләринә ҝөрә, Талибан һүҹума башламаздан әввәл Пәнҹширин интернетини, рабитәсини вә електрик тәҹһизатыны кәсиб.
Гејд олунур ки, Талибан ағыр иткиләр вериб, дөјүшчүләринин онларла ҹәсәди дөјүш мејданында галыб. Һәмчинин билдирилир ки, Әһмәд Мәсудун тәрәфдарлары Бәдәхшан әјаләтиндә дөрд рајону талибләрдән ҝери алмағы баҹарыб.
342/
4 sentyabr 2021 - 16:35
Xəbər kodu: 1176652
Әфганыстанда јени һөкумәтә кимин башчылыг едәҹәји бәлли олуб, мүгавимәт гүввәләри исә өз әмәлијјатларыны ҝенишләндирирләр.
