АБНА24 Хәбәр Верир, Һурријјет.аз хәбәр верир ки, өтән ҝүн ишғал олунмуш Фәләстиндә 11 минә јахын јени јолухма гејдә алыныб, актив коронавирус хәстәләринин сајы 86 мин нәфәрә јахынлашыр ки, бу да бүтүн пандемија дөврү үчүн антирекорд һесаб едилир.
Бу бахымдан әһалисинин 60 фаизинә пејвәндин һәр ики дозасынын вурулдуғуну иддиа едән сионист режимдә јолухмаларын нијә бу ҹүр кәскин артмасы суаллар доғурур: ваксинләрин еффективлији ашағы дүшүб, јохса башга амилләр вар?
Ишғал олунмуш Фәләстиндә “Пфизер” вә гисмән “Модерна” ваксини вурулуб. Бунлар коронавируса гаршы еффективлијинин ән јүксәк олдуғу иддиа едилән препаратлар һесаб едилир.
“Ле Фиҝаро” гәзети јазыр ки, “делта” варианты Исраил режиминдә нәинки пејвәнд олунанлар, еләҹә дә 6 ај әввәл пејвәндин һәр ики дозасыны вурдуранлар арасында сүрәтлә јајылыр.
Франсалы епидемиолог Антуан Флао Исраилдәки вәзијјәти дәјәрләндирәркән дејиб ки, пејвәндин еффективлијинин ашағы дүшмәси вирусун јени штаммынын сүрәтлә јајылмасынын сәбәбләриндән бири ола биләр. Лакин Исраил режиминдә хәстәханаја јерләшдириләнләрин вә ја өлүм һалларынын сајында бу амилин ролу јохдур.
Һазырда ишғал олунмуш әразиләрдә әһалинин 60 фаиздән бир гәдәр азы һәр ики доза пејвәнд гәбул едиб, амма артыг коллектив иммунитетә үмид бәсләнилмир.
342/
3 sentyabr 2021 - 12:25
Xəbər kodu: 1176256
Дүнјада коронавируса гаршы ән ҝенишмигјаслы пејвәндләмә кампанијасы һәјата кечирдијини иддиа едән вә ҹәми бир нечә ај әввәл коллектив иммунитет газандығына инанан Исраил режиминин ишғал етдији Фәләстин әразиләриндә коронавирусун “делта” варианты түғјан едир.
