АБНА24 Хәбәр Верир, Азәрбајҹан Дөвләт Игтисад Университетинин (УНЕҸ) профессору Елшад Мәммәдов Спутник Азәрбајҹан-а вердији мүсаһибәдә дејиб ки, дүнја игтисадијјатында бөһранын дәринләшмәси вә пандемијанын јаратдығы чәтинликләр Азәрбајҹан игтисадијјатындакы проблемләри дә дәринләшдирмәкдәдир.
Профессора ҝөрә јаранмыш вәзијјәт Азәрбајҹан Республикасы игтисадијјатынын шахәләндирилмәси мәсәләсини приоритетә чевирир. Өлкәнин енержи секторундан асылылығы арадан галдырылмалыдыр вә бунун алтернативи јохдур.
Профессор Елшад Мәммәдов атылмалы олан конкрет аддымлара да тохунуб. О: “ Бу бахымдан ихраҹ истигамәтләринин шахәләндирилмәси зәрурәтдир. Бунун үчүн илк нөвбәдә өлкәдәки игтисади идарәетмә моделиндә көклү дәјишикликләр едилмәсинә еһтијаҹ вар. Јени игтисади идарәетмә моделинин Азәрбајҹанда тәтбиги зәруридир”.-дејә билдириб.
Хатырладаг ки, Асија Инкишаф Банкы (АДБ) сон ҝүнләр мәлумат јајараг билдириб ки, ҸОВЫД-19 Азәрбајҹан вә Газахыстан игтисадијјатларынын әһәмијјәтли дәрәҹәдә кичилмәсинә сәбәб олуб. Һәр ики өлкә тәбии еһтијатларла зәнҝин олсалар да, ҸОВЫД-19 пандемијасы кими игтисади сарсынтылар бир даһа ҝөстәрди ки, игтисадијјатын бир ихраҹ мәһсулундан асылылығыны азалтмаг вә даһа дајаныглы олмаг үчүн игтисади шахәләндирмәнин ҝенишләндирилмәси ваҹибдир.
342/
26 avqust 2021 - 09:20
Xəbər kodu: 1173346
Азәрбајҹан Дөвләт Игтисад Университетинин (УНЕҸ) профессору Елшад Мәммәдов дејир ки, өлкәнин енержи секторундан асылылығы арадан галдырылмалыдыр вә бунун алтернативи јохдур
