АБНА24 Хәбәр Верир, Мәһәммәд Нәим дејиб: "Мүһарибә битиб, биз динҹ бејнәлхалг әлагәләрин гурулмасыны истәјирик. Бүтүн дипломатик нүмајәндәликләрин тәһлүкәсизлији тәмин едилир."
Талибан рәсмиси иддиа едиб ки, өлкәдә 20 ил сүрән “ҹиһад” сәмәрә вериб вә мүһарибә дә битиб.
О, Әфганыстандакы ҝәләҹәк дөвләтин нөвүнүн тезликлә ачыгланаҹағыны билдириб, бејнәлхалг аренада тәҹрид олунмуш вәзијјәтдә галмаг истәмәдикләрини вә динҹ бејнәлхалг әлагәләрә малик олмаг истәдикләрини сөјләјиб.
“Биз өлкәнин азадлығы вә истиглалијјәтини әлдә етдик. Биз өлкәмизин әразиләриндән кимисә һәдәфә алмаға имкан вермәјәҹәјик. Артыг биз дүшүнмүрүк ки, хариҹи һәрби гүввәләр јенә дә ифласа уғрамыш тәҹрүбәләрини бурада сынамыш олсунлар. Биз бүтүн Әфганыстан сималары илә данышыглара һазырыг вә онларын горунмасыны тәмин едирик", дејә Талибан рәсмиси өлкә дахилиндә вә хариҹиндә һамынын онларла диалога ҝетмәсини истәјиб.
Гејд едәк ки, Талибан һәрәкаты өтән ҝеҹә Кабилдә Әрҝ сарајыны вә Дөвләт телевизијасыны нәзарәтә ҝөтүрүб. Һәрәкат даһа сонра Дөвләт телевизијасынын бинасыны нәзарәтә ҝөтүрәрәк, бәјанат вериб.
Бәјанатда Кабилдә бүтүн рајонларын вә шәһәрин ҝириш чыхышларынын нәзарәтдә олдуғу, бүтүн вәтәндашларын тәһлүкәсизлијинин тәмин едиләҹәји, еләҹә дә бүтүн хариҹи дипломатик нүмајәндәликләрин тәһлүкәсизликдә олдуғу билдириб.
Гејд едәк ки, Әфганыстанын президенти Әшрәф Гәни дә өтән ҝүн өлкәни тәрк едиб.
Бу арада АБШ һәрби гүввәләри дә Кабил һава лиманына көчүрүлмүш сәфирлијинин ишчиләрини, еләҹә дә орду гүввәләрилә әмәкдашлыг етмиш шәхсләрин тәхлијәсини давам етдирир.
342/
16 avqust 2021 - 16:39
Xəbər kodu: 1170321
Талибан һәрәкатынын Сијаси бүросунун сөзчүсү Кабилин әлә кечирилмәсиндән сонра мүһарибәнин артыг баша чатдығыны вурғулајыб.
