АБНА24 Хәбәр Верир, Түркијәнин Конја шәһәриндә јашајан 15 јашлы Ирәм Ашкын бүтүн Гурани-Кәрими 3 аја әзбәрләјиб.
О, Ислам дининин мүгәддәс китабыны охуја билмәк үчүн ҝетдији курсда бу ҹүр гыса заманда һафизи-Гуран олуб.
“Мәним мүәллимәм буну едә билдијими ҝөрдүјү үчүн Гураны өјрәнмәклә бағлы тапшырыглар вермәјә башлады”, – дејә Ашкын билдириб.
Мүсәлман гызын сөзләринә ҝөрә, мүәллимәси әввәл-әввәл тапшырыг олараг 1-5 сәһифә, сонра 5-7 сәһифә, даһа сонра 7-10 сәһифәни әзбәрләмәји тапшырырды.
“Мүәллимәм ев тапшырығымы сәһвсиз данышдығымы анладыгда, ҝүндәлик әзбәрләмәк тапшырыгларым 15 сәһифәјәдәк, вә нәһајәт 1 ҹүзәдәк артырылды”, – дејә Ашкын гејд едиб.
“Валидејнләрим вә һәмчинин өзүм дә шад идик. Тәһсилими битирдикдә хошбәхтликдән ағлајырдым”, – дејә мүсәлман гыз әлавә едиб.
Ирәмин мүәллимәси Мијасә Көрпә дејиб ки, Ашкын ади синифдә охујурду, даһа сонра исә Гурани-Кәримин әзбәрләнмәси синфинә кечди.
Ирәмин әзбәрләмәк баҹарығына һејран олдуғуну дејән мүәллимә дејиб: “Бу ҹүр јаддаш олдугҹа надир олдуғу үчүн, инсанлара илк вахтларда буна инанмаг чәтиндир”.
Гуранын өјрәнилмәси үчүн гадынлар курсунун рәһбәри Ниһал Севинҹ дә Ирәмин 93 ҝүндә әлдә етдији нәтиҹәдән тәәҹҹүбләндијини дејиб, чүнки адәтән бунун үчүн бир нечә ил лазым олур. /Шәфәгна
342/
4 avqust 2021 - 17:14
Xəbər kodu: 1166551
“Мәним мүәллимәм буну едә билдијими ҝөрдүјү үчүн Гураны өјрәнмәклә бағлы тапшырыглар вермәјә башлады”, – дејә Ашкын билдириб.
