АБНА24 Хәбәр Верир, Ијулун 29-у саат 02:45-дән 03:40-дәк Ермәнистан силаһлы гүввәләринин бөлмәләри Басаркечәр рајонунун Јухары Шорҹа кәнди истигамәтиндә јерләшән мөвгеләрдән Азәрбајҹан Ордусунун Кәлбәҹәр рајонунун Зәјлик кәнди истигамәтиндәки мөвгеләрини автомат вә гумбараатанлардан атәшә тутуб.
Мәлуматда Азәрбајҹан Республикасы ордусунун мөвгеләринин 10-12 әдәд Ф-1 әл гумбарасы илә дә һәдәфә алындығы дејилир. Әмәлијјат шәраитинин Азәрбајҹан ордусу бөлмәләринин нәзарәтиндә олдуғу билдирилиб.
Ермәнистан Мүдафиә Назирлији исә бу ҝүн вердији ачыгламада сәрһәдин Кәлбәҹәр истигамәтиндә баш верән инсидентдә бир ермәни һәрбчинин јараланмасындан хәбәр вериб. Бу ачыгламада исә атышманын сәһәр саатларында (8:40) олдуғуну билдириб.
Хатырладаг ки, өтән ҝүн баш верән атышмада исә 3 ермәни әсҝәр өлүб, 5-и јараланмышды.
342/
29 iyul 2021 - 15:59
Xəbər kodu: 1164538
Азәрбајҹан Республикасы Мүдафиә Назирлији бу ҝүн јајдығы мәлуматда гејд олунуб ки, Ермәнистан атәшкәсә риајәт олунмасы һаггында разылашманы јенидән кобуд сурәтдә позуб.
