АБНА24 Хәбәр Верир, Иран Ислам Республикасы Ордусунун Дәниз Гошунлары команданы контр-адмирал Һүсејн Ханзади вә Русија Ордусунун Дәниз Гошунлары команданы адмирал Николај Јевменов ҝөрүшүб вә дәниз һәмкарлыгларынын ҝенишләндирилмәси јолларыны арашдырыблар.
Мүштәрәк тәһдидләрлә мүбаризәдә ики өлкәнин даһа артыг әмәкдашлыг етмәси, ики өлкәнин дәниз донанмаларынын дүнјанын стратежи бөлҝәләриндәки иштиракынын артырылмасы, бирҝә дәниз тәлимләринин кечирилмәси, мүдафиә вә тәһлүкәсизлик мүнасибәтләринин һәртәрәфли сурәтдә ҝүҹләндирилмәси истигамәтиндә бирҝә аддымларын атылмасы ваҹиблији Иран вә Русија дәниз гошунлары командаларынын мәшвәрәт меһвәри олубдур.
Иран Ислам Республикасынын Русијадакы сәфири Казым Ҹәлали, Иранын һәрби атташеси вә ордунун дәниз гүввәләринин стратежи вә тәлим үзрә мүавинләри бу ҝөрүшдә контр-адмирал Ханзадини мүшајиәт едибләр.
Иран Ислам Республикасы Ордусунун Стратежи Дәниз Гүввәләринин 77-ҹи ескадрасы Русија дәниз донанмасынын јарадылмасынын 325-ҹи илдөнүмү мүнасибәтилә кечирилән бу өлкәнин ири дәниз парадында иштирак едиб.
Бу парад Иран Ислам Республикасы да дахил олмагла дүнјанын 20-дән чох өлкәсинин јүксәк сәвијјәли һәрби һејәтләринин иштиракы илә Санкт-Петербург лиманында вә Финландија көрфәзиндә кечирилиб.
342/
27 iyul 2021 - 17:19
Xəbər kodu: 1163940
Иран Ислам Республикасы Ордусунун Дәниз Гошунлары команданынын рус һәмкары илә ҝөрүшүндә тәрәфләр ики өлкәнин дәниз һәмкарлыгларынын ҝенишләнмәсинә тәкид едибләр.
