АБНА24 Хәбәр Верир, Марија Захарова билдириб ки, Москва дәфәләрлә АБШ-ын Әфганыстанда ИШИД террор групу илә анлашмасы барәдә нәтиҹәјә ҝәлмәк имканы јарадан информасијалара истинад едиб.
О, сонра журналистләрин “Москва Американын ИШИД-лә анлашмасы һагда информасија јајаҹагмы?” суалынын ҹавабында билдириб ки, һәгигәтләр барәдә биз дәфәләрлә онлары тәкрар етмишик. Һәрчәнд биз бу иши сынаг шүшәләринин БМТ Тәһлүкәсизлик Шурасына нүмајиш етдирилмәсинә шамил олан, сонрадан исә јалан чыхан/ “англо-саксон” дүнјасында рәваҹ тапмыш методла һәјата кечирмәјәҹәјик. Биз бу иши ҝерчәкликләр әсасында һәјата кечирәҹәјик.
Бу рус дипломат билдириб ки, Москва ИШИД үнсүрләринин фәалијјәт ҝөстәрдикләри бөлҝәләрин, хүсусән Әфганыстанын шималынын үзәриндә намәлум вертолјотларын учушундан хәбәрдардыр.
О, гејд едиб ки, бу кими фәалијјәтләрин Әфганыстанын һава мәканына там нәзарәт едән АБШ вә НАТО гүввәләринин мәлуматы олмадан һәјата кечирилмәси гејри-мүмкүн оларды.
Бундан өнҹә Русијанын хариҹи ишләр назири Серҝеј Лавров америкалы гүввәләрин Әфганыстандан чыхмалары илә бир заманда бу өлкәнин дурумунун ҝәрҝинләшмәсинин ардынҹа Бирләшмиш Штатларын Әфганыстандакы тапшырығыны “уғурсуз” адландырмышды.
Русија дипломатија апаратынын башчысы сонра билдириб ки, ИШИД вә Әлгаидә Әфганыстандакы мөвгеләрини ҝүҹләндирибләр вә бу өлкәдә наркотик маддәләр истеһсалы вә онун гачагмалчылығы максимум сәвијјәдә гәрар тапыбдыр.
342/
24 iyul 2021 - 14:22
Xəbər kodu: 1162911
Русија хариҹи ишләр назирлијинин сөзчүсү дејиб ки, Америка илә ИШИД үнсүрләри арасындакы һәмкарлыг барәдә нәтиҹәјә ҝәлмәк үчүн Москванын әлиндә јетәринҹә мәлумат вар.
