Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Һәмасын бејнәлхалг әлагәләр бүросунун үзвү Бассем Наеем, јахын бир нечә ҝүндә ишғал алтындакы Фәләстин әразиләринә ҝедәҹәк бир сыра АБШ-дакы хариҹи сәфирләри Гәзза золағынын гатил Исраил режиминин мүһасирәси үзүндән 15 илдән артыгдыр јашадығы һуманитар фәлакәт һаггында даһа чох мәлумат алмаглары үчүн Гәзза золағыны зијарәт етмәјә дәвәт едиб.
О, мүһасирәнин Гәзза золағыны ән бөјүк ачыг һәбсханаја чевирдијини сөјләјиб.
Гәзза золағынын мүһасирәси, бир чох бејнәлхалг гурум вә һүгуг мүтәхәссиси тәрәфиндән изаһ едилдији кими, Икинҹи Дүнја мүһарибәси мәһбусларыны хатырладыр.
Һәмасын бејнәлхалг әлагәләр бүросунун үзвү дејиб: "Коллектив ҹәза олан бу шиддәтли мүһасирә бејнәлхалг вә инсан һүгуглары ганунларына ҝөрә мүһарибә ҹинајәтидир ки, бу да Гәзза золағындакы фәләстинлиләри әсас һүгуглары олан ләјагәтли бир һәјат тәрзи јашамагларындан мәһрум едир.”
Билдирәк ки, 360 квадрат километрдән чох әразини әһатә едән вә 2 милјона јахын әһалиси олан Гәзза золағы сакинләринин јүздә 70-дән чоху тәмиз вә ҝиҝијеник су, електрик енержисиндән вә дәрмандан мәһрум олан ушаг вә ҝәнҹләрдир. Гәзза золағында әһалинин јүздә 80-дән чоху јохсуллуг һәддинин алтында јашајыр вә араларындакы ишсизлик нисбәти јүздә 50-и кечиб вә һәтта систематик олараг сәјаһәт вә тәһсил алмагдан өтрү ҝет-ҝәлләрә гадаға гојулуб.
Диггәт: Хәбәрдән Истифадә Етдикдә Мәнбәјә Истинад Лазымдыр!
