Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Медиа мәнбәләри Ирагын шималида јерләшән Күрд бөлҝәсинин мәркәзи шәһәр олан Ербилдәки АБШ Консуллуғунда һәјәҹан сигналынын верилдијини билдирибләр.
Ираг Күрдүстан бөлҝәсиндәки медиалары билдирибләр ки, АБШ консуллуғунда сиренләр һәлә дә сәсләнмәкдәдир. Бу вахта кими һеч бир тәһлүкәсизлик тәшкилаты һадисә илә бағлы шәрһ вермәјиб.
АБШ консуллуғу рәсмиләри һәлә һәјәҹан сигналынын нә үчүн чалындығыны һәлә ачыгламајыблар.
Ики ҝүн әввәл бир пилотсуз тәјјарәнин Ербил һава лиманында АБШ һәрби базасына һүҹумундан сонра АБШ консуллуғу һазыр вәзијјәтдә иди.
АБШ-ын Ербилдәки Консуллуғу вә Бағдаддакы сәфирлијиндәки сигнализасија системләри сон һәфтәләр әрзиндә бураја едилән ракет вә пилотсуз тәјјарәләрин зәрбәләриндән сонра бир нечә дәфә активләшдирилиб.
Гејд едәк ки, 7 ијул 2021 тарих, Ҹүмә ахшамы сәһәр радәләриндә, медиа мәнбәләри Күрдүстанын шималындакы Ербил Һава лиманында АБШ һәрби базасына ракет вә пилотсуз тәјјарәләрин һүҹуму барәдә мәлумат верди. Мәлумата ҝөрә, күтләви һүҹум 20 ракет вә үч ПУА илә һәјата кечирилмишдир.
Бу ил Ирагда АБШ әсҝәрләринә гаршы онларла һүҹум јол кәнарында миналарын партладылмасы, АБШ һәрби конвојларына вә ја Ирагдакы АБШ һәрби базаларына ракет вә пилотсуз тәјјарәләрин зәрбә ендирмәси илә мүхтәлиф јолларла баш вермишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
