АБНА24 Хәбәр Верир, Ҹ.Бајден дејиб ки, Әфганыстанын ҝәләҹәјини мүәјјәнләшдирмәк бу өлкә халгынын вәзифәсидир вә Бирләшмиш Штатлар онун тәһлүкәсизлик гүввәләринә малијјә, техники дәстәк вә Кабилә һуманитар јардым ҝөстәрмәјә давам едәҹәк.
О ејни заманда террор тәһлүкәсинин Әфганыстандан кәнара јајылдығыны билдирәрәк она гаршы мүбаризәнин зәрурәтиндән данышыб.
Мүшаһидәләр ону демәјә әсас верир ки, вахтилә 2001-ҹи илдә Талибан террору вә әл-Гаидәјә мүбаризә бәһанәсилә Ҹорҹ Бушун Әфганыстана гошун јеритдији вахтдан бу ҝүнәдәк мүсбәтә доғру һеч бир аддым атылмајыб. Белә ки, нәинки Талибана гаршы реал мүбаризә апарылмајыб, һәтта ИШИД террорчуларынын да бу мүсәлман өлкәсинә ајағы ачылмышдыр. Она ҝөрә дә Бајден өлкәсинин метастаза чеврилдијини иддиа етдији терроризмлә мүбаризәдә ҹидди олмадығыны етираф етмәли иди.
Әслиндә Әфганыстанда јашанан олајларла бағлы гејд етмәк лазымдыр ки, АБШ вә онун мүттәфигләринин Әфганыстанда 20 иллик ишғал миссијасы бу өлкәдә "Талибан"ын ҝүҹләнмәси вә инкишаф етмәсини тәмин едиб. Әфганыстана демократија ҝәтирмәк, инсан һүгугларыны инкишаф етдирмәк вә әһалинин сосиал рифаһыны јахшылашдырмаг сөзүнү верән Бирләшмиш Штатларын бу өлкәдәки һәрби мөвҹудијјәтини сүрдүрдүјү 20 ил әрзиндә ән чох диггәт чәкән нәтиҹә исә бундан ибарәтдир ки, бу өлкәдә наркотик плантасијалары инкишаф едиб вә наркотик васитәләин дүнја базарына ахыны ҝенишләнибдир. Бундан әлавә Әфганыстанда етник вә дини зәминдә дә бөјүк бир проблем һөкм сүрүр.
Бәзи шәрһләрә ҝөрә, АБШ вә НАТО Әфганыстаны тәрк етмәк планыны ишә салмагла реҝионда јени мүнагишә, гајнар нөгтә вә етник, дини гаршыдурмалара зәмин јаратмағы планлашдырмышлар.
342/
9 iyul 2021 - 15:34
Xəbər kodu: 1158565
Америка президенти Ҹо Бајден бу өлкә гүввәләринин Әфганыстаны тәрк етмәсини әсасландырмаға чалышыб, мәғлуб олдугларыны исә етираф етмәјиб.
