АБНА24 Хәбәр Верир, Кремлин сөзчүсү Дмитри Песков Әфганыстандакы вәзијјәти писләшән вәзијјәт кими характеризә едиб.
О дејиб: "Әфганыстанда гејри-сабитлик һөкм сүрүр. Үмумијјәтлә, дәфәләрлә демишик ки, әлбәттә, америкалылар вә мүттәфигләри Әфганыстандан чәкилдикдән сонра өлкәдәки вәзијјәт нараһатлыгларымызы даһа да артырыб. Вәзијјәти диггәтлә изләјирик вә тәәссүф ки, бу өлкәдә гејри-сабитлик баш верир".
Дөвләт рәсмиси даһа сонра Русијанын Әфганыстана әсҝәр ҝөндәрмәк планынын олмадығыны вә бу мәсәләнин Кремл тәрәфиндән нәзәрдән кечирилмәдијини дә әлавә едиб.
Бунунла белә Русија президенти Владимир Путин Таҹикистан-Әфганыстан сәрһәдиндәки сон вәзијјәти таҹикистанлы һмкары Имамәли Рәһманла мүзакирә олунуб. Путин һәмкарына Таҹикистана һәм икитәрәфли, һәм дә Коллектив Тәһлүкәсизлик Мүгавиләси Тәшкилаты чәрчивәсиндә лазыми дәстәји вермәјә һазыр олдуғуну сөјләјиб.
Телефон сөһбәти заманы Путин вә Рәһман мүхтәлиф сәвијјәләрдә тәмаслары давам етдирмәк барәдә разылыға ҝәлибләр.
Таҹикистан Президенти Имамәли Рәһман Өзбәкистанын вә Газахыстанын дөвләт башчылары илә дә мәсләһәтләшмәләр апарыб. Вә Әфганыстанла сәрһәддә, шимал вә шимал-шәрг истигамәтиндә јаранан ҝәрҝинлији вә гоншу өлкәдәки һәрби-сијаси вәзијјәти мүзакирә едиб.
Телефон данышыглары заманы Талибан террор тәшкилаты илә мүбаризәдә сәјләрин әлагәләндирилмәси, реҝионал тәһлүкәсизлијин вә сәрһәдләрин мөһкәмләндирилмәси, бу өлкәләрин ҝүҹ структурлары вә тәһлүкәсизлик органлары арасында информасија мүбадиләсинин ҝенишләндирилмәси, бирҝә фәалијјәтин ҝүҹләндирилмәси мәсәләләри барәдә фикир мүбадиләси апарылыб.
342/
6 iyul 2021 - 15:26
Xəbər kodu: 1157578
Русија президент сарајынын сөзчүсү Москванын Әфганыстанда олдугҹа гејри-сабит ҝөрүнән вәзијјәти диггәтлә изләдијини сөјләјиб.
