Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иран Ислам Республикасы Аллаһа тәвәккүл едәрәк јерли билик адамлары, мүһәндисләр вә дахили ресусларындан истифадә едәрәк АБШ-ын “өлдүрүҹү санксијаларыны” јарарсыз һала ҝәтирди. Белә ки, Иран Ислам Республикасы артыг нөвбәти бир електрик автобусу да истеһсал едиб вә истифадәј вермәк үзрәдир.
"Шетаб" адланан Монокак, Лоw-Флоор (Алчаг Мәртәбәли) вә тамамилә електрикли Иран автобусу, %100 јерли мәһсулдур. Бу електрик автобусу "Мапна Груп" вә "Огаб Афшан Компанијасы" нын иштиракы илә Иран Ислам Республикасынын елм вә мүһәндис гүввәләриндән истифадә едәрәк истеһсал едилмишдир".
Шетаб електрик автобусу, Иранын иглиминә әсасланараг дизајн едилмиш вә фәргли автобус маршрутларында пакетләрлә тәмин едилә билән зәка, мәлумат мәркәзи бағлантысы, енержинин гајтарылмасы, сүрәтли шарж үсуллары, инкишаф етмиш екран системләри вә мүасир сојутма системләри кими үстүн имканлара маликдир. Сифариш сајына ҝөрә фәргли батарејалары вар. Һәм дә бу мәһсулун дизајн вә инкишаф инфраструктуру еләдир ки, бу саһәдә дүнјанын ән јахшы мәһсуллары илә рәгабәт етмәк вә инкишаф етмәкдә олан һәтта инкишаф етмиш өлкәләрә белә ихраҹ едилмә габилијјтинә маликдир.
Шетаб електрик автобусу, мүасир мүһәндис аләтләриндән истифадә едәрәк бејнәлхалг сәвијјдә дизајн принсипләринә ујғун олараг һазырланмыш тамамилә Иран мәһсулудур; Ҝөвдә дизајны Огаб Афшан Сәнаје Истеһсалат Групунда, електрикли итәләмә һиссәси исә Мапна Гуруп-да һәјата кечирилир вә ортаг ширкәт олараг Шетаб Ширкәтиндә истеһсал олунур.
Иранлы университет мәзунларынын електрик, електроника, електрик електроникасы, програмлашдырма вә програм тәминаты, мәлуматларын тәһлили, зәка вә систем мүһәндислији саһәләриндә истифадәси бу лајиһәнин бөјүмәси вә чичәкләнмәси үчүн јахшы бир фүрсәт јарадыб. Тәдгигат инфраструктурунун бөјүмәси илә технолоҝијаны фәрди миник автомобилләри, јары ағыр, ағыр вә коммунал тиҹарәт васитәләри кими диҝәр нәглијјат саһәләринә дә ҝенишләндирмәк мүмкүндүр.
Диггәт: Хәбәрдән Истифадә Етдикдә Мәнбәј Истинад Лазымдыр!
