АБНА24 Хәбәр Верир, Азәрбајҹан Республикасынын "Вәтәндаш вә Инкишаф" Партијасынын сәдри Әли Әлијев "Османгызы ТВ" каналы илә мүсаһибәдә дејиб: "Ермәнистанын террорчу һәрбчиләринә олунан мәрһәмәт вә верилән һөкмүн сијаси бир һөкм олдуғу тамамилә ајдындыр вә Азәрбајҹан Республикасы мәһкәмәләриндәки вәзијјәти дә ачыг шәкилдә ҝөстәрир; Һансы ки, гануна бахмадан вә һагг вә әдаләтдән узаг һөкм чыхарырлар".
Партија сәдри әлавә едиб: "Ермәнистан тәрәфиндән Азәрбајҹан Республикасы һөкумәтинә тәһвил верилдији иддиа едилән миналарын әрази хәритәсинин нә дәрәҹәдә доғру олдуғу вә нә дәрәҹәдә буна еһтијаҹ олдуғу мәлум дејил. Ҹәбрајыл вә Зәнҝилан рајонларында дөвләт мәмурлары тәрәфиндән мадди мәнфәәт әлдә етмәк үчүн беҹәрилән ҝениш әразиләрдә нијә мина партламыр, амма инсанлар бу бөлҝәләрдәки шәһәр вә кәндләриндәки евләринә гајытмаг истәдикдә онлары миналардан горхудурлар?"
"Вәтәндаш вә Инкишаф" Партијасынын сәдри баш верәнләрин мәгсәдјөнлү олдуғуну хатәрладыб. "Бу сијаси ојунлар Азәрбајҹан Республикасы халгынын руһијјәсини сарсытмаг мәгсәди дашыјыр вә бу һәрәкәтләр һөкумәтин Азәрбајҹан Республикасынын гәләбә чалдығына вә Гарабағ мүнагишәсинин һәлл олундуғуна даир иддиаларынын мәнтигли давамы сајыла билмәз", - дејә Әли Әлијев гејд едиб.
Партија сәдри әлавә едиб: "Неҹә олур ки, "галиб тәрәф" әсирләрини тәләб етмәдән биртәрәфли гајдада дүшмән тәрәфинин әсирләрини дүшмән өлкәјә гајтарыр?!"
342/
5 iyul 2021 - 15:00
Xəbər kodu: 1157207
Азәрбајҹан Республикасынын "Вәтәндаш вә Инкишаф" Партијасынын сәдри дејиб: "Нијә Азәрбајҹан Республикасы мәһкәмәси терроризмдә иттиһам олунан ермәни һәрбчиләринә чох јүнҝүл вә 6 ај һәбс ҹәзасы верди, амма сијаси мүхалифәт үчүн узунмүддәтли һәбс ҹәзалары верир?
