АБНА24 Хәбәр Верир, Иранын "Ҝәнҹ Репортјорлар Клубу"нун мәлуматына ҝөрә, Дмитри Песков "Русија 24" телеканалы илә мүсаһибәдә дејиб: "Русија президенти Владимир Путин өлкәнин горунмасы үчүн һәр шеји етмәјә һазырдыр".
Кремлин мәтбуат катиби Русија һөкумәтинин, Британијанын бу аддымынын архасындакы планларындан хәбәрдар олдуғуну билдирәрәк, Дејиб: "Бу һәрәкәт әввәлҹәдән планлашдырылыб вә гәсдән төрәдилиб".
Кечән һәфтәнин Чәршәнбә ҝүнү, Британијаја мәхсус бир һәрби ҝәми Русијанын Гара дәниздә сәрһдләрини позандан сонра бу өлкәнин һәрби ҝәмиси вә гырыҹы тәјјарәсинин хәбәрдарлыг атәши илә үзләшиб.
Русијанын Мүдафиә Назирлијинин бәјанатында дејилир: "Гара дәнизин шимал-шәргиндә әмәлијјат апаран Британијанын "Дефендер" ҝәмиси Русија сәрһәдини позуб вә Фиолент бурну рајонунда Русјианын нәзарәтиндә олан суларын үч километр дәринлијинә дахил олуб".
Русија Мүдафиә Назирлији кечән ҹүмә ахшамы АБШ-а вә НАТО-ја хәбәрдарлыг едиб ки, тәһрикедиҹи һәрәкәтләри илә Гара дәниздә ҝенишмигјаслы мүһарибәјә јол ачмасынлар.
Бунунла белә Британијанын баш назири Борис Ҹонсун бу тәҹавүзкар һәрәкәти мүдафиә едәркән, дејиб: "Британија Крымын Русијаја илһаг едилмәсини рәсмән танымадығы үчүн бу өлкә ҝәмисинин Русија суларына дахил олмадығы гәнаәтиндәдир".
Крым јарымадасы 2014-ҹү илдә референдум јолу илә Русијаја илһаг едилиб, лакин АБШ вә мүттәфигләри ону танымагдан имтина едибләр.
342/
30 iyun 2021 - 20:20
Xəbər kodu: 1155619
Кремл сөзчүсү, Британијанын һәрби ҝәмисинин Крым саһилләринә ҝәлишиндән сонра Русија президентинин өлкәнин әрази бүтөвлүјүнү горумаг үчүн ҝөстәрдији сәјләри вурғулајыб.
