АБНА24 Хәбәр Верир, Антонио Гутерреш БМТ Тәһлүкәсизлик Шурасына вердији һесабатда, һәмчинин Иран Ислам Республикасы илә нефт тиҹарәти вә нүвә силаһларынын јајылмамасы лајиһәләри илә әлагәдар азад олмаларын узадылмасына чағырыб.
АБШ Дөвләт Департаментинин сөзчүсү Ҹалина Портер чәршәнбә ахшамы кечирдији мәтбуат конфрансында, Вашингтонун, Иран вә АБШ-ын һәр икисинин нүвә анлашмасына гајытмасына садиг олдуғуну сөјләјиб.
Портер, нүвә анлашмасынын ҹанландырылмасы үчүн кечирилән Вјана данышыгларынын ҝедишаты илә бағлы дејиб: "АБШ-ын Иран үзрә хүсуси нүмајәндәси Роберт Мали Вјана данышыгларынын алтынҹы турундан сонра һазырда мәсләһәтләшмәләр үчүн Вашингтондадыр вә данышыгларын једдинҹи раунд барәдә һеч бир ачыглама вә бәјанатымыз олмајыб".
Бу јахынларда АБШ дөвләт катиби вә Франсанын хариҹи ишләр назири Парисдә кечирилән бирҝә мәтбуат конфрансында, Иранын нүвә анлашмасы илә әлагәдар тәләбкарҹасына бир мөвге сәрҝиләјибләр вә Теһранын нүвә анлашмасына гајытмаг гәрарыны ҝөзләдикләрини иддиа едибләр.
Иранын Хариҹи Ишләр Назирлијинин сөзчүсү Сәид Хәтибзадә АБШ вә Франса хариҹи ишләр назирләринин ачыгламаларыны рәдд едәрәк, дејиб: "Иран Ислам Республикасы һеч вахт нүвә анлашмасыны тәрк етмәјиб ки, инди она гајытсын, нүвә разылашмасы илә бағлы гәрары АБШ вермәлидир вә ганунсуз санксијалары ләғв едиб, өз гәти өһдәликләрини јеринә јетирмәклә бу анлашмасына гајытмалыдыр".
342/
30 iyun 2021 - 20:14
Xəbər kodu: 1155614
БМТ-нин баш катиби АБШ һөкумәтини, Ирана гаршы тәтбиг етдији бүтүн санксијалары нүвә анлашмасына ујғун олараг, ләғв етмәјә чағырыб.
