Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ирагдакы танынмыш Иран мүттәфигләри олан Кәтаибу Һизбуллаһ вә Сејјид әш-Шуһада ваһидләринин мөвгеләри өтән ҝүн сәһәр радәләриндә АБШ ишғалчы гүввәләринин һава һүҹумлары илә һәдәфә алыныб.
Һәшду Шәби Гүввәләри һүҹумларда дөрд нәфәрин шәһид олдуғуну билдириб, анҹаг Сурија Инсан Һаглары Рәсәдханасынын вердији һесабатында Ирагда базар ҝеҹәси һәјата кечирилән һүҹум нәтиҹәсиндә өләнләрин сајынын беш нәфәрә чатдығы сөјләнилир.
Ираг Баш назири Мустафа әл-Казими, АБШ ишғалчы гүввәләринин һүҹумларыны Ирагын суверенлији вә милли тәһлүкәсизлијинә гаршы "ачыг вә гәбуледилмәз бир позунту" адландырыб. Вә Ираг Хариҹи Ишләр Назирлијинин сөзчүсү Әһмәд әл-Сәһаф да охшар бир шәкилдә бәјанат верәрәк билдириб ки, Ираг кимләринсә бир-бири илә һагг-һесабларынын чүрүдүлмәси објектинә чеврилмәмәлидир. О, һәмчинин бир даһа белә бир һадисәләрин баш вермәјәҹәјини тәләб едиб.
Гејд едәк ки, АБШ, Ирагдакы пилотсуз тәјјарәләрин вурулмасы вә АБШ гүввәләринә гаршы сон һүҹумларын архасында Иранын олдуғуна инаныр.
АБШ һәрбчиләринин Ирагдан чыхарылмасыны реҝионал приоритет һесаб едән Иран Ислам Республикасы исә, АБШ ишғалчы гүввәләринин базар ҝүнү ҝеҹә Ирага тәҹавүзүнү кәскин шәкилдә гынајыб.
Диггәт: Хәбәрдән Истифадә Етдикдә Мәнбәјә Истинад Лазымдыр!
