"Авропа Өлкәләри һәјасызҹасына инсан һаглары мүдафиәчиләри олдугларыны иддиа едирләр"

АБНА24 Хәбәр Верир, Ислам Ингилабынын Али Мәгамлы Рәһбәри Мәһкәмә Һакимијјәтинин сәдри вә ишчиләри илә ҝөрүшдә, 1981-ҹи ил 28 ијун тарихли террор ҹинајәтинин амилләринин 70-ә јахын ҝөркәмли вә танынмыш симаны шәһид едәрәк, Иран халгына гаршы бөјүк бир ҹинајәт төрәтдикләрини бәјан едиб.

О, һәзрәт бујуруб: "Ҹинајәтләрини вә чиркин әмәлләрини етираф едән бу гатилләр бу ҝүн һәмин инсан һаглары мүдафиәчиси олдугларыны иддиа едән өлкәләрдә сәрбәст ҝәзирләр вә јашајырлар".

"Франса вә диҝәр Авропа өлкәләри террорчулары дәстәкләјиб, онлара һәтта милли мәҹлисләриндә белә трибуна вердикләри һалда инсан һагларыыны тәләб етмәкдән утанмырлар. Әслиндә гәрблиләрин бу гәдәр һәјасыз олмасы чох гәрибә бир шејдир", - дејә Ислам Ингилабынын Бөјүк Рәһбәри әлавә едиб.

Али Мәгамлы Рәһбәр 18 ијун тарихиндә кечирилән президент сечкиләриндә халгын иштиракыны јүксәк гијмәтләндириб вә онларын әсл дастан јаздығыны сөјләјиб.

Һәзрәт Ајәтуллаһүл-үзма Хаменеји дејиб: "Инсанлар коронавирус шәраити, игтисади чәтинликләр вә бәзи диҝәр мәсәләләрә бахмајараг, дүнјан империализминин бир нечә ајлыг планыны алт-үст етдиләр вә сечкиләрин әсас галибләри олараг, Иран дүшмәнләри вә онлара бағлы олан үнсүрләрә мәғлубијјәт вә накамлығы нәсиб етдиләр".

Али Мәгамлы Рәһбәр, үмидин ҹанланмасы вә инсанларын мәһкәмә системинә олан инамынын артмасыны, Мәһкәмә Һакимијјәтиндә сон ики илдәки ҹиһадчы һәрәкәтин ән мүһүм тәсирләриндән адландырыб вә әлавә едиб: "Бу үмид вә инам гијмәтли бир сосиал сәрмајәдир ки, һеч бир шеј онунла бәрабәр ола билмәз".

О, һәзрәт Иранда намизәдләрин тәмкинли давранышыны, АБШ-дакы сечкидән сонракы гаршыдурмаларла мүгајисә едәрәк, бу немәтин өлкәдә мөвҹуд олмасы үчүн Аллаһа шүкүр едиб вә бу ҹүр јанашмаларын давам етмәсинә тәкид едибләр".

Һәзрәт Ајәтуллаһүл-үзма Хаменеи, сонда сечкиләрин нәтиҹәсинин халга вә сечилмиш президентә мүбарәк олаҹағына вә рәсмиләрин вәзифәләрини јахшы јеринә јетирә биләҹәкләринә үмидварлыг ифадә едиб.

342/