АБНА24 Хәбәр Верир, Русијанын Дағлыг Гарабағ мүнагишәси әтрафында низамланмаја вердији төһфә һәлледиҹи олуб.
Спутник Азәрбајҹан "РИА Новости"-јә истинадән хәбәр верир ки бу барәдә Русија Президенти Владимир Путин Бејнәлхалг тәһлүкәсизлик үзрә ЫХ Москва Конфрансынын иштиракчыларына видео-мүраҹиәтиндә билдириб.
“Дағлыг Гарабағда мүнагишәнин дајандырылмасы Русијанын гәтијјәтли төһфәси әсасында мүмкүн олуб”, - дејә В. Путин вурғулајыб.
В. Путин гејд едиб ки, Русија сүлһмәрамлылары реҝионда сүлһ вә тәһлүкәсизлији инамла тәмин едир, һуманитар вәзијјәтин јахшылашмасы, әразиләрин миналардан тәмизләнмәси вә сосиал инфраструктурун бәрпасы үчүн чох иш ҝөрүр.
Русија президентинин бу ачыгламасында әразиләрин миналардан тәмизләнилмәси үчүн бөјүк ишләрин ҝөрүлмәси барәдәки тәкидләринә рәғмән, Азәрбајҹан Республикасы президенти Илһам Әлијев елә дүнән БМТ-нин Сивилизасијалар Алјансынын али нүмајәндәси Миҝел Анхел Моратиносу гәбул едәркән бирд аһа миналанмыш әразиләр проблемини хатырладараг дејиб: “Биз Ермәнистандан јалныз Ағдам рајону үзрә мина хәритәләрини ала билмишик, диҝәр рајонларда јүз минләрлә мина вар."
Илһам Әлијев гејд едиб ки, ермәниләр хәритәләри Азәрбајҹана вермәкдән имтина едирләр вә бу сәбәбдән Азәрбајҹанда артыг 100-дән чох өлән вә јараланан олду.
Русијанын Әразиләрин миналардан тәмизләнилмәсиндә бөјүк ишләр ҝөрдүјүнү вә мүнагишәнин дајандырылмасына бөјүк төһфә вердијини дејән Владимир Путин Ермәнистаны миналанмыш әразиләрин хәритәләрини вермәјә мәҹбур едә биләрми? Үмумијјәтлә Путини бу ачыгламада нә дәрәҹәдә сәмими һесаб етмәк олар? Сијаси Фәал Рәсул Мүрсәлов СәһәрАзәри-јә вердији мүсаһибәдә Русијанын икили стандартдан чыхыш етдијини билдириб: “ Русија сүлһмәрамлылары гондарма режимә һәр ҹүр јардым едир амма Азәрбајҹана јох.”
О билдириб ки, миналарын тәмизләнилмәси дә Азәрбајҹанын өз имканлары илә һәјата кечир вә Русија ән азындан Ермәнистандан миналанмыш әразиләрин хәритәләрини белә алыб Азәрбајҹана вермәк истәмир.
Хатырладаг ки, Русија президентинин орадакы өз видео чыхышында Гарабағ Мүнагишәсиндән данышдығы Москва Бејнәлхалг Тәһлүкәсизлик Конфрансы, бејнәлхалг тәһлүкәсизлијин әсас суалларына ҹаваб тапмаг үчүн мүдафиә идарәләри, бејнәлхалг тәшкилатлар вә гејри-һөкумәт мүтәхәссисләрини бир араја ҝәтирән иллик бир форумдур.
Илк дәфә бејнәлхалг конфранс 2012-ҹи ил 3-4 мај тарихләриндә кечирилиб вә "Јени тәһлүкәсизлик мәканынын формалашмасында ракет әлејһинә мүдафиә амили" мөвзусуна һәср едилиб.
342/
24 iyun 2021 - 21:31
Xəbər kodu: 1153632
Путин Гарабағ мүнагишәсинин дајандырылмасынын Русијанын гәтијјәти илә мүмкүн олдуғуну дејиб.
