АБНА24 Хәбәр Верир, Гарабағ Комитәсинин дөнәм сәдри, сијаси елмләр доктору, профессор Сабир Мәммәдли Сәһәр Каналынын Хәбәрләр Програмы илә ексклүзив мүсаһибәдә дејиб: “Русијанын елә мәгсәди ондан ибарәт иди ки, мүхтәлиф васитәләрлә Гәрб өлкәләрини Ҹәнуби Гафгаза бурахмасын вә бүтүн просесләр онун истәјинә ујғун ҝетсин. Она ҝөрә дә Русија өз һәрбчиләрини Ермәнистан тәрәфиндән сәрһәдә јерләшдирмәклә бу мәсәләни өз хејринә һәлл етди.
Сәрһәдләрлә әлагәдар мүхтәлиф хәритәләрин олмасы фикринин јанлыш олдуғуну дејән политолог гејд етди ки, сәрһәдләри һәтта 80-ҹи илләрин тәсәррүфат рәһбәрләри дә билир. Бу мәсәләләри ортаја атмагла Ермәнистан вә Русија рәһбәрлији Азәрбајҹан үчүн сәрһәддә гејри-мүәјјәнлик јаратмаға чалышырлар. Она ҝөрә дә Азәрбајҹан тәрәфи даһа ардыҹыл, објектив вә инадкар мөвгејини горумалыдыр.
Гејд едәк ки, Русија һәрбчиләринин Ермәнистанла Азәрбајҹан Республикасы сәрһәдләриндә јерләшдирилмәси Гәрб өлкәләринин “бејнәлхалг мүшаһидәчи” ады алтында бөлҝәјә ҝәлмәси мәсәләсинин ҝүндәмдән чыхмасы кими гәбул олунур. Һәмчинин билдирилир ки, бундан сонра сәрһәдләрин делимитасијасы вә демаркасијасы да чәтинләшәҹәкдир.
342/
24 iyun 2021 - 21:30
Xəbər kodu: 1153631
Азәрбајҹанлы политолог Азәрбајҹан Республикасы илә Ермәнистан арасында ҹәрәјан едән сәрһәд мәсәләсиндә Русијанын просеси өз хејринә дәјишмәсинә етираз едир.
