Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Шејх Нәваф әл-Әһмәд әл-Ҹабир әл-Сәбаһ Ајәтуллаһ Сејјид Ибраһим Рәисијә Иран Ислам Республикасында кечирилән президентлик сечкиләриндә гәләбә газандығы мүнасибәти илә тәбрик мәктубу ҝөндәриб.
О, тәбрик мәктубунда Ајәтуллаһ Сејјид Ибраһими үчүн Аллаһ тәаладан мүвәффәгијјәтләр арзулајыб вә Иран Ислам Республикасынын чичәкләнмәсини вә тәрәгги етмәси үчүн дуа едиб.
Кувејт Әмирлијинин вәлиәһди Шејх Мәшәл әл-Әһмәд әл-Ҹабир әл-Сәбаһ вә Кувејт баш назири Шејх Сәбаһ Халид әл-Һәмд әл-Сәбаһ да өз нөвбәләриндә ајры-ајрылыгда Ајәтуллаһ Сејјид Ибраһим Рәисијә тәбрик мәктубларыны ҝөндәрибләр.
Гејд едәк ки, Ајәтуллаһ Сејјид Ибраһим Рәиси Һиҹри шәмси тәгвими илә 28 Хордад 1400-ҹү ил (18.Ијун.2021) Ҹүмә Ҝүнүндә кечирилән Иранын 13-ҹү президент сечкиләриндә 17 милјон 962 мин сәс чохлуғу илә (сечиҹиләри 62%-нин сәсини топламагла) халг тәрәфиндән Иран Ислам Республикасынын 8-ҹи президенти олараг сечилмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
