АБНА24 Хәбәр Верир, ганунла күтләви дини ибадәт, ајин вә мәрасимләр (дәфн, јас, ифтар, кәбинкәсмә, мөвлуд вә еһсан мәрасимләри истисна олмагла) дини ибадәт јерләриндә вә зијарәтҝаһларда кечириләҹәк.
Гануна ҝөрә, күтләви дини ибадәт, ајин вә мәрасимләр дини ибадәт јерләриндән вә зијарәтҝаһлардан кәнарда јалныз Дини Гурумларла Иш үзрә Дөвләт Комитәсинин разылығы илә тәшкил олунаҹаг.
Һәмчинин хариҹи өлкәләрдә јерләшән вә мүвафиг дин үчүн мүгәддәс һесаб едилән јерләрә ибадәт мәгсәдилә диндарларын мүтәшәккил шәкилдә зијарәтләри мүвафиг дини мәркәзләр тәрәфиндән һәјата кечириләҹәк вә бу барәдә Дини Гурумларла Иш үзрә Дөвләт Комитәсинә мәлумат вериләҹәк.
Һөкумәтин тәнгидчиләри дејирләр ки, Дини Етигад һаггында Гануна едилән бүтүн дүзәлишләр дүнјәвичилк системи илә дабан-дабана зиддидир вә бирбаша мүсәлман вә шиә әһалинин инанҹдан ирәли ҝәлән фәалијјәтләри мәһдудлашдырмаға, хаыг үчүн хүсуси әһәмијјәтә малик олан Ашура Јүрүшүнү јасагламаға көкләниб.
Дини Гурумларла Иш үзрә Дөвләт Комитәсинин сәдри Мүбариз Гурбанлы исә буну рәдд едир. О март ајынын 7-дә Телеграф Хәбәр Порталы илә мүсаһибәдә демишди ки, Азәрбајҹанда дини етигад азадлығынын тәмин олунмасы дин-дөвләт-ҹәмијјәт мүнасибәтләринин әсасында дајанан мүһүм фактордур вә өлкәдә дининдән вә мәзһәбиндән асылы бүтүн вәтәндашларын дини етигад азадлығы дөвләт тәминаты алтындадыр.
342/
17 iyun 2021 - 14:28
Xəbər kodu: 1151448
Президент Илһам Әлијев “Дини етигад Азадлығы Һаггында Ганун"а дәјишикликлә бағлы гануну тәсдигләјиб.
