АБНА24 Хәбәр Верир, Сәид Хәтибзадә дејиб ки, мүзакирәләр јахшы вә диггәтәлајиг ирәлиләјишләрә малик олуб, лакин әсас мөвзулар галыбдыр.
Сәид Хәтибзадә әјани формада кечирилән дахили вә хариҹи мүхбирләрлә һәфтәлик брифингиндә хариҹи сијасәт саһәсиндәки сон олајлары шәрһ едәрәк, журналистләрин суалларыны ҹавабландырыб.
Иранын бу јүксәк вәзифәли дипломаты Русијанын Вјана мүзакирәләриндәки нүмајәндәси Улјановун сөзләри, һәмчинин һәләлик алтынҹы тур үчүн бир програмын олмамасы вә һазыркы турун сонунҹу тур олмасы еһтималына даир суала ҹаваб вериб.
Иран Ислам Республикасынын мөвгејини әввәлләр демишәм. БИз Вјанада һәјата кечирдијимиз мүзакирәләри лазым олан диггәт вә һәссаслыгла ирәлиләдирик. Һәр бир тур сонунҹу тур ола биләрди, лакин бәзи јердә галан мөвзулар нөвбәти тура јол ачыбдыр- дејә Хәтибзадә билдириб.
Хәтибзадә «Америка тәрәфиндән санксијаларын ләғви илә бағлы фактарашдырыҹы бир механизм нәзәрдә тутулубдурму?» суалыны белә ҹавабландырыб: Американын нүвә анлашмасы үзрә бүтүн санксијалары арадан галдырылмалыдыр. Фактарашдырыҹылыг Вјанада бәһс олунан формулларда һәјата кечириләҹәк вә сонра Иран өз әвәзчыхма аддымларыны ҝеријә гајтараҹаг.
342/
31 may 2021 - 13:34
Xəbər kodu: 1146260
Иран Хариҹи Ишләр Назирлијинин сөзчүсү билдириб ки, Вјана мүзакирәләри мүһүм ҹәһәтләрә чатыб.
