АБНА24 Хәбәр Верир, Ҝүрҹүстанын Руһаниләр Шурасынын бәјанатында дејилир: "Бу ҝүн бу гејри-бәрабәр мүһарибәдә, Фәләстин халгы, тапдаланмыш һүгуглары тәмин етмәк вә ишғал едилмиш әразиләрини ҝери алмаг үчүн ганлары вә ҹанлары баһасына дөјүш мејданына дахил олублар. Һәмчинин, илләрдир минләрлә ҝүнаһсыз вә азјашлы ушаглары дағынтылар алтында өлдүрүлән бир халгын мүгавимәтдән башга чарәси јохдур.
Бәјанатын диҝәр бир һиссәсиндә бејнәлхалг иҹтимаијјәтин бу гәтлиам гаршысында лагејдлији тәнгид олунуб вә дејилир: "Бу режим бејнәлхалг гурумлара мәһәл гојмадан ҹинајәтләрини даһа да интенсивләшдириб вә фәләстинлиләр үчүн һеч бир һүгуг танымадығы бир һалда, бу халга зүлм етмәкдә сон һәдди ашыб вә бүтүн гырмызы хәтләри кечиб вә тәәссүф ки, бүтүн бу давамлы зүлмләр бејнәлхалг иҹтимаијјәтин ҝөзү гаршысында баш верир".
Ҝүрҹүстанын Мүсәлманлар Идарәсинин бәјанатынын сонунда дејилир: "Биз инсанларын гәтлиамына вә ушагларын өлдүрүлмәсинә дөзмүрүк, дүнја ҝүҹләриндән вә бејнәлхалг тәшкилатлардан бу режимин ҹинајәтләринә гаршы бирләшәрәк Фәләстин халгынын һүгугларыны танымасыны вә давамлы сүлһә наил олмаг вә инсанларын гәтлиамына сон гојмаг үчүн әдаләтли бир гәрар вермәсини ҝөзләјирик".
342/
17 may 2021 - 20:12
Xəbər kodu: 1141933
Ҝүрҹүстанын Мүсәлманлар Идарәсинин Дини Шурасы бир бәјанат јајараг, гәсбкар сионист режимин ҹинајәтләрини гынајараг, мүгавимәти вә зүлм вә әдаләтсизлик гаршысында дајанмағы бүтүн мүсәлманларын дини вәзифәси адландырыб.
