АБНА24 Хәбәр Верир, Зәнҹанын Сарәллаһ Һејәтинин бунунла бағлы јајдығы бәјанатда дејилир: Азәрбајҹан Республикасында диндарларын һәбси вә онлара ишҝәнҹә верилмәсинә етираз едир, сахта иттиһамлар әсасында ағыр һәбс ҹәзасы илә үзләшән Һаҹы Илһам Әлијевә дәстәк веририк.
Бәјанатда республикада анти-шиә планына сон гојулмасы тәләб едилир.
Теһранын Имам Садиг(ә) Университети дә АИП лидеринин һәбсини гынајыб.
Тәһсил мүәссисәсинин јајдығы бәјанатда гејд олунур ки, сон ҝүнләр гардаш өлкәдә исламчылара гаршы һүҹум һаллары артмагдадыр вә бу һүҹумлар дин алиминә гаршы гејри-әдаләтли мәһкәмә гәрары илә давам етмишдир. Шиәләрин чохлуг тәшкил етдији өлкәдә ҹәрәјан едән бу тенденсијада сионист режимин изләри мүшаһидә олунмагдадыр.
Бәјанатда Азәрбајҹан диндарларынын Гарабағ уғрундакы шанлы гәләбәдә пајынын олдуғу вурғуланыр.
Лаһиҹан шәһәринин имам ҹүмәси дә мәлум һәбс гәрарындан нараһатлыг кечирдијини билдириб.
Һөҹҹәтүлислам д-р Сүлејманинин ачыгламасында дејилир ки, Һаҹы Илһам Әлијев сырф Исраилә вә Гүдсүн азадлығына хатир Үмумдүнја Гүдс Ҝүнү әрәфәсиндә ҹәзаландырылды.
О өз ачыгламасынын сонунда Азәрбајҹанда јүзә јахын исламчынын әсассыз иттиһамларла һәбсдә сахланмасындан дәрин нараһарлығыны гејд едиб.
Хатырладаг ки, мајын 6-да Бакы Ағыр Ҹинајәтләр Мәһкәмәсиндә Азәрбајҹан Ислам Партијасынын сәдр әвәзи, руһани Һаҹы Илһам Әлијевин иши үзрә мәһкәмә просеси јекунлашыб вә руһанијә һөкм охунуб.
Һөкмә әсасән, Һаҹы Илһам Әлијев 16 ил, онунла бирликдә һәбс едилән Меһман Рзајев исә 14 ил мүддәтинә азадлыгдан мәһрум едилиб.
342/
8 may 2021 - 20:50
Xəbər kodu: 1139014
Азәрбајҹанлы дин хадими вә Ислам Партијасынын сәдр әвәзи Һаҹы Илһам Әлијевин барәсиндә 16 ил һәбс һөкмүнүн верилмәси Иранда етиразла гаршыланыб.
