АБНА24 Хәбәр Верир, нин мәлуматына әсасән, Сәнәддә гејд едилиб ки, ушагларын дини етигада мәҹбур едилмәси гадаған олунур. Бундан әлавә, ганунда нәзәрдә тутулмуш һаллар истисна олмагла, күтләви дини ибадәт, ајин вә мәрасимләрин иҹрасы заманы дини тәлимин әсасларынын ишыгландырылмасы јалныз ганунла мүәјјән едилмиш гајдада тәјин олунмуш дин хадимләри тәрәфиндән һәјата кечирилә биләр. Дини екстремизмин тәблиғинә, һәмчинин сијаси мәгсәдләр үчүн динләрарасы фәргләрин истифадәсинә јөнәлдилмиш фәалијјәт гадағандыр. ДЕВАММ сәдри, илаһијјатчы-философ Һаҹы Илгар Ибраһимоғлу Дини Етигад вә Виҹдан Азадлығы һагда Ганунуна Милли Мәҹлис тәрәфиндән едилән сон дәјишикликләрә мүнасибәт билдирәрәк дејиб ки, өлкә ганунларына бу кими мүртәҹе дәјишикликләрин әввәлләр дә алынмадығыки кими, бу дәфә дә алынмајаҹаг. “Неҹә олур ки, бүтүн диҝәр саһәләрдә валидејнләр вә ушаглар азаддыр, амма илаһи тәрбијәдә мәһдудијјәтләр тәтбиг олунмасы истәнилир. Бу алынмајаҹаг”,- дејә илаһијјатчы вурғулајыб. Азәрбајҹан Республикасында дини мәрасимләрдә о ҹүмләдән дә Ашура, Фитир Бајрамы намазы вә Гәдр ҝүҹәләриндә ушаглар вә ҝәнвләрин иштиракы илдән илә артмагдадыр вә онлар өз валидејнләри илә бирликдә мүсәлман әнәнәләрини гаврамаға һәвәс ҝөстәрирләр. Хатырладаг ки, Таҹикистан парламенти дә ушаглар вә ҝәнҹләрин дини тәрбијәсини гадаған едән ганун гәбул едиб. Буна бахмајараг Мәркәзи Асија өлкәсиндә дини ајинләрә бөјүк шөвг мүшаһидә олунур.
342/
