АБНА24 Хәбәр Верир, бунунла әлагәдар портал гоншу өлкәјә гаршы гәрәзли тәблиғатыны әсасландырмаг үчүн Иран ТЫР-ларынын сепаратчылара ҝуја ҝөдәкчә дашыдығыны иддиа едиб. Билдирилир ки, Иранын “јардым” ады алтында апардығы јүк Ҝүрҹүстандан бурахылмајан һәрби јүк ола биләр. Јахуд да һәмин зиреһли ҝөдәкчәләр бу “јардым”ын арасына гарышыб. Ујдурма фәрзијјәнин давамында дејилир ки, ики ТЫР долусу зиреһли ҝөдәкчәнин Ханкәндидәки сепаратчыларын јаратдығы јени силаһлы груплашмалар үчүн нәзәрдә тутулмасы истисна дејил. Мүшаһидәчиләр сон ҝүнләрдә бәзи КИВ-ләрдә Ирана гаршы дезинформасијанын тәсадүфи олмадығыны вә бунун бирбаша Исраилин сифариши илә һәјата кечирилдијини билдирирләр. Онларын гәнаәтинҹә, Иранын бәрпа ишләриндә сәмими тәклифләринә Азәрбајҹан дөвләтинин мүсбәт јанашмасы, хүсусилә дә Араз чајынын о тајындакы лајиһәләрә дәвәт олунмасы сионист-масон тәшкилатларыны гыҹыгландырыр вә онлар нәзарәтләриндә олан бир сыра медиалар васитәсилә Азәрбајҹанын Гарабағ уғрунда һаглы мүбаризәсинә ҝүҹлү дәсәк вермис Иран Ислам Республикасыны шәрләјәрәк, бу дөвләти Иранын тәҹрүбәләриндән мәһрум етмәк истәјирләр. Гејд едәк ки, Икинҹи Гарабағ Мүһарибәсинин гызғын чағында Иранын алимәгамлы Рәһбәри Һәзрәт Ајәтуллаһүл-узма Хаменеи бүтүн торпагларын Азәрбајҹана гајтарылмасыны тәләб етди вә бу чағырыш Азәрбајҹан халгы вә дөвләти тәрәфиндән бөјүк мәмнунлугла гаршыланды. Бунунла јанашы президент Илһам Әлијев Араз кәнары сәфәриндә Иран-Азәрбајҹан сәрһәдини достлуг сәрһәди адландырмагла гоншу өлкәјә олан исти мүнасибәтини нүмајиш етдирди. Бу контекстдә Иран-Азәрбајҹан достлуғундан вә әмәкдашлығындан наразы галан даирәләр һазырда јалан материаллары илә рәсми Бакынын реҝионал әмәкдашлығына хәләл ҝәтирмәк үчүн дәридән-габыгдан чыхыр, Ираны ҝөздән салмаға чалышырлар. Алтернатив олараг бу ҝүнләрдә Инсан Һагларына Нәзарәт Тәшкилаты тәрәфиндән Ишғал олунмуш Фәләстин торпагларында апартеид режимини тәтбиг етмәкдә иттиһам олунан Исраилин технолоҝијалары тәблиғ олунур. Лакин Иранын гардашлыг наминә атдығы аддымлара бу кими чиркин ојунларла көлҝә салмаг мүмкүн олмајаҹагдыр. Иран дөвләти вә халгы һәр заман Азәрбајҹанын јанында олуб вә бу өлкәнин әрази бүтөвлүјүнү ән сәмими шәкилдә мүдафиә едир вә едәҹәк дә. Азәрбајҹан исә ишғалдан азад олунмуш әразиләриндәки бәрпа ишләриндә һәм дә гоншу дөвләтә етибар едир вә шантаж јолу илә онун дүшүнүлмүш сијасәтини дәјишмәк мүмкүн дејилдир.
342/
