АБНА24 Хәбәр Верир, Реутерс хәбәр верир ки, Јунаныстан вә Сәудијјә режими Патриот һава һүҹумундан мүдафиә системинин јерләшдирилмәси үчүн мүгавилә имзалајыб. Сөзүҝедән јунаныстанлы дипломат мүгавиләнин һәр ики тәрәфин дүнән (20 апрел) Әр-Ријадда имзаладығыны гејд едиб. Јунанистанын хариҹи ишләр назири Никос Дендиас вә мүдафиә назири Никос Панагиотопоулос, Сәудијјә режиминин хариҹи ишләр назири Фајсал бин Фәрхан илә чәршәнбә ахшамы Әр-Ријадда ҝөрүшәрәк, мүгавилә вә диҝәр мүдафиә мәсәләләрини мүзакирә едибләр. Дендиас Әр-Ријадда вердији ачыгламасында Јунаныстан вә Көрфәз Әмәкдашлыг Шурасы илә бир мүгавилә имзаладыгларыны сөјләјиб. “Јунаныстанын дипломатик вә мүдафиә әмәкдашлығы Сәудијјә режими илә ҝүҹләнир. Бу, өлкәмизә ҝөрә Көрфәз өлкәләри илә иш бирлијимиздә бөјүк бир инкишафдыр”, - дејә о, билдириб. Мүдафиә назири Панагиотопоулос исә бунлары дејиб: “Ики өлкә арасында имзаланан мүгавилә Јунаныстан вә Сәудијјә силаһлы гүввәләринин имканларынын инкишафы үчүн ваҹибдир. Бу чәрчивәдә јахын ҝәләҹәкдә Әрәбистан әразисинә һава гүввәләримизә аид бир Патриот мүдафиә системи јерләшдириләҹәк вә фәалијјәт ҝөстәрәҹәк”.
342/
