АБНА24 Хәбәр Верир, Мустафа Әл-Казыми Ираг тәһлүкәсизлик вә һәрби апараты командирләри вә забитләринин гатылдығы ифтар сүфрәсиндә белә бир ачыглама вериб: “Ираг гүввәләринин ИШИД-ин галыглары гаршысында тәһлүкәсизлик тапшырыгларыны ҝөтүрмәјә даһа бөјүк һазырлығындан сонра, бејнәлхалг коалисија гүввәләринин чыхарылмасына даир гануни вә вахт апаран механизмләри конструктив, реал вә мәсулијјәтли диалогла тәтбиг етмәјә мүвәффәг олдуг. Бүтүн мәсулијјәтләри үзәринә ҝөтүрмәјә там һазыр олдуғумуз үчүн тәдриҹән һәлл едиләҹәк чәтинликләр вә еһтијаҹлар вар. Ирагын чәтинлик вә еһтијаҹларыны вә бејнәлхалг коалисија гүввәләриндән мәсулијјәт ҝөтүрмә механизмләрини мүәјјәнләшдирмәк үчүн бир мүтәхәссис һәрби комитә гурдуг. Ираг бөлҝәдәки садә өлкә дејил. Ираг бөлҝәдә дәрин вә ич-ичә тарихи бир ирсә саһиб олан бир өлкәдир вә гәһрәманлары терроризми мәғлуб едәнләрдир. Бизим вәзифәмиз һәрби вә тәһлүкәсизлик гурумларыны ән јүксәк сәвијјәјә чатдырмаг вә бүтүн чәтинликләрлә үзләшмәк вә бүтүн бошлуглары долдурмаг үчүн техники вә силаһ һазырлығыдыр”.
342/
