АБНА24 Хәбәр Верир, Иранын БМТ-дәки даими нүмајәндәси Тәһлүкәсизлик Шурасына үзв олан Гәрб өлкәләринин күтләви гырғын силаһлары гаршысындакы икили мүнасибәтләринә етираз едиб. Билдириб ки, бу силаһларын јајылмамасы мәсәләсиндән бир васитә кими истифадәјә сон гојулмалыдыр. Мәҹид Тәхте Рәванчи Тәһлүкәсизлик Шурасынын күтләви гырғын силаһларынын јајылмамасы үзрә системләрин ҝүҹүнүн горунмасы һагда кечирилән гејри-рәсми јығынҹағында сонра дејиб ки, күтләви гырғын силаһлары индијәдәк инсан тәрәфиндән дүзәлдилән, истеһсал олунан вә истифадә едилмәси дүзҝүн олараг гадаған едилмиш, инсанлыға вә әхлаг нормаларына ән чох сығмајан силаһлардыр, чүнки бу гејри-инсани силаһлардан истифадә гаршысында јеҝанә мүтләг зәманәт, онларын там шәкилдә мәһв едилмәси вә јајылмамасына әмин олмагдыр. Иранын БМТ-дәки даими нүмајәндәси сөјләјиб ки, бәзи ҝүҹләрин өзләринин ганунсуз марагларыны ирәлиләтмәк үчүн кимјәви силаһларын гадаған едилмәси тәшкилаты вә кимјәви силаһларын гадаған едилмәси конвенсијасындан суи-истифадә илә сон илләр Суријаны кәскин тәзјиг алтында гојмалары гаршысында Тәһлүкәсизлик Шурасы сүкута далыб. О, сонра дејиб: Иран 2016-ҹы иләдәк јалныз, бу өлкәнин динҹ мәгсәдли нүвә програмы барәдә үздәнираг «јајылма» ниҝаранчылыглары бәһанәсилә бәзи Гәрб ҝүҹләри тәрәфиндән сахта бир бөһрана ҝөрә, БМТ-нин, нүмунәси ҝөрүнмәмиш санксијаларына мәруз галды. Амма мүхтәлиф нөвлү күтләви гырғын силаһлары истеһсал едән вә бу силаһларын гадаған едилмәси үзрә бејнәлхалг мүаһидәләрә гатылмагдан да бојун гачыран Исраил режими Тәһлүкәсизлик Шурасы тәрәфиндән сорғу-суала чәкилмир, чүнки Америка тәрәфиндән һимајә олунур. Мәҹид Тәхте Рәванчи даһа сонра белә гејд едиб: Иран кимјәви силаһларын ишләдилмәсинин бир гурбаны кими, бир даһа, һәр бир кәс тәрәфиндән, һәр һансы нөгтәдә вә һәр һансы шәраитдә бу силаһлардан истифадәни, мүмкүн олан ән кәскин ифадә илә писләјир вә шиддәтлә, кимјәви силаһларын гадаған едилмәси тәшкилатынын етибары вә кимјәви силаһларын гадаған едилмәси конвенсијасынын ҝүҹүнүн зәифләдилмәсинә гаршы чыхыр. Бунун әвәзиндә, конвенсијанын ајры-сечкилик олмадан, мүвазинәтли вә там шәкилдә иҹрасы вә әлагәдар тәшкилатын ҝүҹүнүн һимајә олунмасыны истәјир.
342/
