АБНА24 Хәбәр Верир, Алманијанын "Ди Велт" нәшри бу барәдә јазыр: Русија Украјна илә сәрһәдә гошунларыны топлајыр. Бу, ҝөрүнмәмиш тәхрибатдыр вә сынагдыр. Москва Гәрбин јени Америка Президенти Ҹо Бајден дөврүндә неҹә реаксија верәҹәјини јохлајыр. Гејд едәк ки, сон ҝүнләрдә Украјнанын сепаратчы Донбас әтрафында Русија гошунларынын һәрәкәтә ҝәлмәсинә даир хәбәрләрлә әлагәдар Кијев өз силаһлы гүввәләрини дөјүш һазырлығы вәзијјәтинә ҝәтириб. Мартын сонунда АБШ-ын Неw Јорк Тимес нәшри ады чәкилмәјән мәнбәјә истинадән, Украјна сәрһәдинин Донбас һиссәсиндә 4000-ә јахын Русија һәрбчисинин ҹәмләшдијини јазыб. Украјна ордусунун команданы ҝенерал Руслан Һомчак исә Русијанын Украјнанын шәрг сәрһәди боју тәхминән 20-25 минлик һәрби гүввә ҹәмләшдирдијини билдириб. Јаранмыш вәзијјәтдә рәсми Кијев чыхыш јолуну Гәрблә әлагәләрин мөһкәмләндирилмәсиндә вә Украјнанын НАТО-ја үзвлүјү мәсәләсинин һәллинин сүрәтләндирилмәсиндә ҝөрүр. Президент Зеленски бу фикри апрелин 6-да НАТО Баш катиби Јенс Столтенберҝ илә телефон данышығында билдириб вә НАТО өлкәләрини Гара дәниздә тәһлүкәсизлик мәсәләләринә даһа чох диггәт ајырмаға чағырыб. Бу арада Алманија һөкумәти Украјнанын НАТО-ја үзвлүјү илә бағлы нөвбәти аддымларын һәләлик нәзәрдә тутулмадығыны бәјан едиб. Диҝәр тәрәфдән Украјна Донбасла бағлы Минск данышыгларында иштиракдан имтина едиб: Кијев билдириб ки, артыг Минск шәһәрини Донбас үзрә Тәмас Групунун иҹласлары үчүн ујғун мејданча сајмыр. Русија Тәһлүкәсизлик Шурасынын катиби Николај Патрушев исә Русијанын "Коммерсант" нәшринә билдириб ки, онун өлкәси Донбасдакы гаршыдурмаја мүдахилә етмәји планлашдырмыр, анҹаг вәзијјәти јахындан изләјир. Һадисәләрин инкишафына әсасланараг конкрет тәдбирләр ҝөрүләҹәк," –дејә Патрушев әлавә едиб.
342/
