АБНА24 Хәбәр Верир, Бригада ҝенералы Фәрһад Арјанфәр дејиб: Иран Ислам Республикасы Ордусунун Гуру Гошунларынын гәрб бөлҝәси гәрарҝаһынын ән мүһүм стратеҝијасы, «ләббејк лајиһәләри»нин иҹрасыдыр. Бу стратеҝија узаг перспективли стратеҝија кими бизим үчүн ҝәләҹәјин јолуну ајдынлашдырыб вә биз бу стратеҝијаја ујғун олараг, ишләри һәјата кечирәҹәјик. Ҝенерал Арјанфәр билдириб ки, «ләббејк лајиһәләри»нин иҹрасы мүдафиә вә дөјүш гүдрәтинин артмасы илә нәтиҹәләнәҹәк. О, сонра дејиб: «Ләббејк лајиһәләри»нин иҹрасына ујғун олараг, Иран Ислам Республикасы Силаһлы Гүввәләринин Али Баш Команданынын тәләбләри дә иҹра олунаҹаг. Бу мәсәлә бизим үчүн бөјүк әһәмијјәт кәсб едир вә биз шәбәкә вә интеллектуал мүһарибәләр мәрһәләсинә дахил олмагдајыг. Ҝенерал Арјанфәр бу гәрарҝаһын һәрби тәлимләринин кечирилмәси барәдә исә белә дејиб: Гүввәт вә зәиф нөгтәләрин тәјин едилмәси вә дөјүш ҝүҹүнүн дәјәрләндирилмәси үчүн индијәдәк тагым, табор вә бригада сәвијјәләриндә тәлим-мәшгләр кечирмишик вә команданлыг иерархијасынын ҝөстәриш верәҹәји тәгдирдә, гуру гошунларынын бөјүк һәрби тәлимләриндә иштирак үчүн лазыми һазырлыға маликик. Иран Ислам Республикасы Ордусунун гәрб реҝионал гәрарҝаһынын команданы ордунун гуру гошунларындакы структур дәјишикликләринә ишарә едәрәк, дејиб: Һәрәкәт едән зиреһли бөлмәләр, сүрәтли реаксија бөлмәләри вә һәрәкәт едән һүҹум бөлмәләринин јарадылмасы вә гуру гошунларынын структур дәјишиклијинә ујғун шәкилдә гуру гошунлары команданынын һимајәси илә ПУА системләри вә електрон мүһарибәси саһәси хүсусијјәт тәшкил етмәклә јени тәҹһизатлар алмаг мәсәләсини изләмәкдәјик.
342/
