АБНА24 Хәбәр Верир, ки, Иранын хариҹи ишләр назири Мәһәммәд Ҹавд Зәриф Теһранда кечирилән "коронавирусун рәвајәти" адлы тәдбирин сонунда ваксинин пајланмасында әдаләтин вә јохсул өлкәләрлә зәнҝин өлкәләр арасында ејни фүрсәтин јарадылмасынын әһәмијәтини вурғулајараг, дејиб: "Ваксини еһтикар етмәк јолверилмәздир". Зәриф Гәрб өлкәләринин ваксин еһтијаҹларынын үч гатыны еһтикар етдијини сөјләјиб. Иранын хариҹи ишләр назири, һәмчинин дејиб: "Инсанын бу ортаг бәласы гаршысында һамы бәрабәрдир вә әҝәр бир өлкә әмин-амансыз оларса, бүтүн дүнја әмин-амансыз олаҹаг". Зәрифин сөзләринә ҝөрә, башгаларыны етибарсыз вәзијјәтә ҝәтирмәк баһасына өзүмүз үчүн тәһлүкәсизлик газана билмәрик вә башгаларына тәзјиг ҝөстәрмәклә өзүмүз үчүн ҝәләҹәк гура билмәрик. Иранын хариҹи ишләр назири даһа сонра әлавә едиб: "Коронавирус бу дәрси дүнјаја верди ки, бир-биринә бағлы бир дүнјада һамымыз ејни ҝәмидә отурдуғумузу баша дүшмәлијик". Зәриф диггәтә чатдырыб ки, пејвәнд алмаг үчүн Иран пулларынын көчүрүлмәсинә мане оланлар, коронавирусдан инсанлыг, тәвазөкарлыг вә өзләринә рәвабилдикләрини башгаларына рәва билмәк дәрси алмадылар. Иранын хариҹи ишләр назири һәмчинин дејиб: "Дүнјанын ән бөјүк тәблиғат вә елми ҝүҹләри бу вирус гаршысында аҹиздирләр вә АБШ коронавирусудан ән чох зәрәр чәкән өлкәдир вә ән јүксәк өлүм ҝөстәриҹисинә саһибдир".
342/
