АБНА24 Хәбәр Верир, Ишғал олунмуш Фәләстиндәки гәзәбли етиразчылар бир даһа, һәмишә олдуғу кими шәнбә ҝүнү ҝеҹәләр сионист режимин баш назиринин фајдасыз сијасәтләринә етираз олараг, күчәләрә чыхыблар ки, Бенјамин Нетанјаһуја гаршы 38-ҹи етираз аксијасы формалашмыш олсун. Сионист информасија мәнбәләри хәбәр верибләр ки, ишғал олунмуш Фәләстинин һиддәтләнмиш сакинләри Нетанјаһунун сијасәтләринә етираз олараг, онун галдығы мәканын јахынлығында јерләшән танынмыш Балфур күчәсиндәки Парис мејданына топлашыблар. Сосиал шәбәкәләрдә јајылан тәсвирләр ҝөстәрирләр ки, етиразчыларын әлләриндә, Нетанјаһуну тәнгид едән мәзмуна малик јазылар олуб. Үмуми етиразларын бу мәрһәләси сионист режимин баш назиринин коронавирусла мүбаризә тәрзиндән наразылыг вә онун коррупсијасы илә бағлы кечирилибдир. Нетанјаһунун мүхалифләри коррупсијаја, рүшвәтхорлуға, дәләдузлуға вә коронавирусла мүбаризәдәки мүдиријјәт зәифлијинә ҝөрә, онун истефа вермәсини тәләб едирләр. Ишғал олунмуш әразиләр сон ајлар әрзиндә дәфәләрлә Бенјамин Нетанјаһунун коррупсијасына, еләҹә дә онун коронавирусла мүбаризәдәки мүдиријјәт зәифлијинә гаршы аксијаларын шаһиди олублар. Нетанјаһунун башы сон ајлар әрзиндә дөрд коррупсија ишинә гарышыбдыр.
342/
