АБНА24 Хәбәр Верир, Сәудијјә Әрәбистаны режиминин Хариҹи Ишләр Назирлијиндән верилән ачыгламада дејилир: “Һесабатда өлкәнин јүксәк вәзифәли шәхсләри илә бағлы һеч бир шәкилдә гәбул едилә билмәјән тәһгирамиз вә гејри-дәгиг нәтиҹәләр вар, һәмчинин бу һесабатда бир мәлумат топлусу вә сәһв нәтиҹәләр вар. Сәудијјә Әрәбистанынын бу дәһшәтли ҹинајәти гынадығы вә рәһбәрлијинин ҝәләҹәкдә бир даһа тәкрарланмамасы үчүн лазымлы аддымлары атдығы бир вахтда белә бир һесабатын јајымланмасы һәгигәтән тәәссүф доғурур”. Вашингтон илә Әр-Ријад арасындакы тәрәфдашлыға тохунулан ачыгламада, белә гејд едилиб: “Краллыг вә АБШ арасындакы тәрәфдашлыг, ҝәләҹәкдә тәкрарланмајаҹаг мөһкәм тәмәлләр үзәриндә гурулмуш сағлам вә мөһкәм ортаглыгдыр”. Диҝәр тәрәфдән, Сәудијјә Әрәбистанырежиминин рәсмиләринә тәтбиг олунан санксијаларын рәдд едилдији билдирилән ачыгламада, белә гејд едилиб: “Краллыг рәһбәрлијини, суверенлијини вә мәһкәмә мүстәгиллијини һәдәфә алан һәр һансы бир гәрары рәдд етди”. Ачыгламада, ҹинајәтдә иштирак едәнләрин мәһкәмә гәрары илә ҹәзаландырылдығы вә Кашыкчынын аиләсинин дә гәрардан мәмнун олдуғу гејд едилиб. Гејд едәк ки, АБШ-ын Милли Кәшфијјат Идарәси 2018-ҹи илдә һазырланмыш, лакин екс-президент Доналд Трамп администрасијасы тәрәфиндән иҹтимаијјәтә ачыгланмајан “Гашыгчынын кәшфијјат гијмәтләндирмә һесабаты”ны јајымламышды.
342/
