АБНА24 Хәбәр Верир, бу сөзләри Иран Ислам Республикасы Ордусунун һәрби һава гошунларынын команданы «Кәман-22» лајиһәсинин јекун етапларындан бахыш кечирәркән сөјләјиб. Авиасија бригада ҝенералы Әзиз Нәсирзадеһ сонра белә дејиб: Бу пилотсуз тәјјарә радиоелектрон мүбаризә, оптика вә дөјүш вәсаитләри илә тәҹһиз вә һава гүввәләринин әмәлијјат тәләбләри әсасында конструксија едиләрәк, јекун истеһсал етапларыны кечирир. О, сонра сөјләјиб: «Кәман-22» ПУА-сы Иранын илк ҝениш корпуслу дөјүш ПУА-сы олараг, мүхтәлиф нөвлү јүкләри дашымаг габилијјәтинә маликдир. О, билдириб ки, 24 саатдан чох олмагла, олдугҹа јүксәк учуш давамлылығына вә үч мин километрлик мәсафәјәдәк учуш имканларына малик олан бу апарат мүхтәлиф електрон сурсатлар дашымагла Иран Ислам Республикасы Ордусунун һәрби һава гүввәләринә јүксәк дөјүш гүдрәти бәхш едәҹәк. Ҝенерал Нәсирзадеһ һәмчинин билдириб ки, уҹгар һәдәфләрин фото-шәклини чәкмәк, информасија топламаг, мүһафизә вә кәшфијјат баҹарығы бу пилотсуз учуш апаратынын диҝәр имканларындандыр. Иран Ислам Республикасы Ордусунун һәрби һава гошунларынын команданы сонда белә гејд едиб: Бу ҝүн чох сајда тапшырыглар јеринә јетирән дөјүш, кәшфијјат вә радиоелектрон мүбаризә дә дахил олмагла мүхтәлиф типли пилотсуз учуш апараты дүзәлтмәк саһәсиндә там шәкилдә пүхтәләшмишик вә елә технолоҝијалар әлдә етмишик ки, гошунларын еһтијаҹлары әсасында мүхтәлиф типли пилотсуз учуш апараты истеһсал едә биләрик вә ҝәләҹәкдә диҝәр ПУА нөвләринин дүзәлдилмәси дә ҝүндәмдә дурур.
342/
