АБНА24 Хәбәр Верир, АБШ Конгресинин јүз үзвү Ҹо Бајденин идарә һејәтини Артсах дејилән гондарма Дағлыг Гарабағ Республикасынын һәјати әһәмијјәти вә Ермәнистанын тәһлүкәсизлији үчүн конкрет аддымлар атмаға чағырыб. АБШ Дөвләт катибинә вә мүдафиә назиринә үнванланан мәктубда кечән пајызда Азәрбајҹан ордусунун ҝуја тәҹавүзү нәтиҹәсиндә јаранан Дағлыг Гарабағ әтрафында бөһранын ҹиддилији вурғуланыр вә билдирилир ки, АБШ тәрәфиндән тәҹили тәдбирләр ҝөрүлмәлидир. Онлар, Бајден рәһбәрлијини сепаратчы бөлҝәнин халгына иҹмаларыны бәрпа етмәјә, ермәни сепаратчыларынын өз мүгәддәратларыны тәјинетмә һүгугуна дајагланмыш реҝионал һәлл ахтарышында иштирак етмәјә вә мүнагишәдә гануни данышыглар апаран тәрәф олараг дырнагарасы Артсах халгынын өз мүгәддәратыны тәјинетмә һүгугуну танымаға чағырыблар. Хүсусән, ермәни әсирләрини дәрһал азадлыға бурахмағы тәмин етмәк ишиндә Ермәнистанын игтисади инкишафына дәстәк олмаг, Азәрбајҹанын ҝуја тәҹавүзү үзүндән дидәрҝин дүшмүш ермәниләрә дәстәк олмаг, еләҹә дә, Ҹо Бајдени Ермәни Сојгырымыны танымаг конгресменләрин истәкләри сырасындадыр. Бәзи ермәни сијасәтчиләр үмидвардырлар ки, АБШ-дакы јени администрасијанын көмәји илә Гарабағ мүһарибәсинин нәтиҹәләрини өз хејирләринә дәјишә биләҹәкләр. Ејни заманда Ермәнистанын сијаси мөвгеји ҝүҹләнәҹәкдир. Хатырладаг ки, АБШ дөвләт катиби Ентони Блинкен вәзифәсинин иҹрасына башладыгдан дәрһал сонра Бирләшмиш Штатларын Ермәнистанын хејринә Азәрбајҹанла мүнасибәтләрә тәзәдән баха, тәһлүкәсизлик саһәсиндә Азәрбајҹана јардымлары кәсә биләҹәјини сөјләјиб. Бу хүсусда о, еһтијаҹ јаранарса, Ағ Евин Азәрбајҹана гаршы “907-ҹи дүзәлиш”и гүввәјә миндирмәјә һазыр олдуғуну да дилә ҝәтириб. Мүшаһидәчиләр билдирирләр ки, тәкҹә шәхсән Блинкенин дејил, бүтөвлүкдә АБШ Демократ Партијасынын ермәни диаспору илә чох исти мүнасибәтләри вар вә ермәни диаспору Демократик Партијанын әнәнәви сүтунларындан биридир. Она ҝөрә дә демократ һөкумәтин ҝәләҹәкдә Ермәнистаны вә Гарабағ ермәниләрини сүлһ просесини әнҝәлләмәјә тәшвиг едәҹәји истисна едилмир. Әслиндә белә демәк оларса, америкалылара Ҹәнуби Гафгазда һеч бир шәкилдә сүлһ вә мөһкәм сабитлик ҝәрәк дејил.
342/
