АБНА24 Хәбәр Верир, бу пешәкар дөјүшчүләр горху вә тәһлүкә анларында хиласкар мәләкләрдирләр. Бу ҝүн Орду вә СЕПАҺ-ын хүсуси тәјинатлы гүввәләринин миссијасы дәниз гулдурлары тәрәфиндән оғурланмыш бир ҝәминин хилас едилмәсдири. Бир нечә дәгигә ичәрисиндә Иран гарталы кими ашағы ениб, дүшмәни рәзил едәрәк, бир күнҹә сыхышдырыб, сонда һәбс едирләр. Һинд Океанынын шималында мүрәккәб дәниз тәһлүкәсизлији тәлимләринин икинҹи ҝүнүндә Русија һәрби бөлмәләри дә Иран команданларынын планларына ујғун һәрәкәт едирләр. Гәзаја уғрамыш бир ҝәмидә баш верән јанғыны сөндүрмәк, дәниздә тәһлүкәсизлији горумаг үчүн тәлим кечмиш гүввәләрин нөвбәти әмәлијјаты иди. Орду вә СЕПАҺ-ын стратежи донанмасы үчүн чох ваҹиб бир мәгам Иран Ислам Республикасынын бу ики ҝүҹлү гүввәсинин синержисинә сәбәб ола биләҹәк һәмин бу бирҝә тәлимләрин кечирилмәсидир. Һинд Океанынын шималында бу дәниз тәһлүкәсизлији тәлимләри мәгсәдјөнлү шәкилдә сечилмиш 17 мин квадрат километрлик бир әразини әһатә едир. Тәлимин ики әсас мәгсәди бунлардан ибарәтдир: Биринҹиси дәниз терроризми вә пиратчылығы илә мүбаризә вә икинҹиси, фөвгәладә вәзијјәтләрдә хиласетмә вә јардым әмәлијјатларыны мәшг етмәк. Бу ики ҝүнлүк мәшг бу ахшам Иран вә Русија үзән бөлмәләринин парады илә баша чатаҹаг.
342/
