АБНА24 Хәбәр Верир, Казем Гарибабади журналистләрә вердији мүсаһибәдә, МАГАТЕ-нин дахили гајдалары илә бағлы мөвзуларда мәхфи мәлуматларын горунмасынын чохдандыр әсас мәсәлә кими ирәли сүрүлдүјүнү билдириб. О, дејиб: Белә олан һалда, норматив гајдалара рәғмән, өтән 20 илдә аҝентлијин мәхфи информасијаларына ганунсуз әлчатанлыг вә ја сызма аҝентлик илә Иран Ислам Республикасы арасындакы әлагәләрдә әсас проблем олубдур. Казем Гарибабади вурғулајыб: Кечән 20 ил әрзиндә мәхфилик өһдәликләринин мүнасиб шәкилдә иҹра олунмамасы барәдә Иранын ниҝаранчылыглары дәфәләрлә хатырладылыб, лакин һәлә мүнасиб шәкилдә бу ишә бахылмајыбдыр. Информасијаларын медиалара сызмасы үмумијјәтлә өлкәләр тәрәфиндән һәјата кечирилир, лакин шүбһәсиз, аҝентлик ҝизли мәлуматларын горунмасында мәсулијјәт дашыјыр вә ниҝаранчылыглары арадан галдырмаг үчүн лазыми сијасәт, лајиһә вә ҝедишатлары тәтбиг етмәли вә ја мөвҹуд дуруму јенидән нәзәрдән кечирмәлидир.
342/
