АБНА24 Хәбәр Верир, Президент Администрасијасынын Елм вә Технолоҝија үзрә Мүавинлијинин мәлуматына истинадән, "Аспијан Дарује Сепеһрҝан Ҹеј" адлы јарадыҹы бир ширкәтин иҹрачы директору Мухтар Јусифијан дејиб: "Бу мәҹмуә мејвә туллантылары үзәриндә арашдырма апарыб вә бу саһәдә бир арашдырма вә инкишаф бөлмәси јарадараг, тәсдиг едилмиш кејфијјәтли мәһсуллар истеһсал етмәјә мүвәффәг олуб. Бу комплексдә истифадә олунан хаммаллардан бири дә албалынын өзәјидир". "Аспијан Дарује Сепеһрҝан Ҹеј" ширкәтинин иҹрачы директору сөзләринин давамында әлавә едиб: "Албалынын өзәји әввәлләр бир тулланты кими атылырды. Һазырда бу тулланты технолоҝијадан истифадә етмәклә бир нечә фәрли мәһсулун хаммалына чеврилиб. Бу мәһсуллардан бири дә бәдәндәки ҝөјәрмәләри арадан галдырмаг үчүн истифадә едилән бир нөв голтугалты мумдур". Јусифијан дејиб: "Башга бир мәһсул да үздәки ләкәләри арадан галдырмаг вә дәринин пилинги үчүн истифадә олунур. Һәмчинин бу мөҹүзәви маддәдән кејфијјәтли бир крем дә истеһсал олунуб ки, дәрини ајдынлашдырмагла јанашы көһнә јара изләринин мүалиҹәсиндә дә истифадә олунур. Албалынын өзәјиндән јүз фаиз тәбии бир сабунда истеһсал олунур. Бүтүн бу мәһсуллар сәлаһијјәтли органлар тәрәфиндән лазыми тәсдигләри алмаға мүвәффәг олмушдур. Бу јарадыҹы фәал, бу мәһсулларын өлкәјә јүксәк валјута ҝәтирдијини бәјан едәрәк, дејиб: "Ширкәт ејни заманда ојнаглар үчүн хүсуси јағ да истеһсал едиб ки, јүксәк удма габилијјәтинә маликдир вә бу бөлҝәдәки ағрылары арадан галдырыр. "Һазырда бу мәһсула бәнзәр хариҹи нүмунәсинин гијмәти 1 милјон 300 мин түмән олдуғу һалда, бизим мәһсулун гијмәти 100 мин Түмәндән ашағы истеһлакчыја тәклиф олунур", -дејә Јусифијан әлавә едиб. "Аспиан Дарује Сепеһрҝан Ҹеј" ширкәтинин иҹрачы директору, бу мәҹмуәнин фәалијјәтиндә инновасијанын әсас меһвәр олдуғуну бәјан едәрәк, дејиб: "Бир груп мотивасијалы ҝәнҹ мүтәхәссис бир араја ҝәлиб вә мејвә туллантылары вә чәјирдәкләри кими дәјәрсиз материаллары дәјәрли ихраҹ мәһсулларына чевирир.
342/
