АБНА24 Хәбәр Верир, Ирагын ән-НУҸӘБА Ислами Мүгавимәт Тәшкилатынын рәсми сөзчүсү Мүһәндис Нәср әш-Шәммәри Иран Ислам Ингилабынын 42-ҹи илдөнүмү мүнасибәти илә ЫГНА- ја (Бејнәлхалг Гуран Хәбәр Аҝентлији) Ислам Ингилабынын дүнјада вә реҝиондакы тәсирләриндән данышыб. О, реҝионда империализм әлејһинә формалашмыш мүгавимәт дәстәләринин һәрби дөјүш сијасәти јүрүтмәк мәрһәләсинә гәдәр јүксәлдијинә ишарә едәрәк дејиб: Америка вә Исраил мүасир дөврдә һеч бир гүдрәтин гаршысында мәғлуб олмамышдылар. Бу ики һәрби империалист ҝүҹүн дүнја вә реҝиондакы горхулу һејбәтини вә зәһмини Имам Хомејни (р.ә) мәктәбинин јаратдығы мүгавимәт һәрәкаты мәһв етди. әш-Шәммәри әлавә едиб: Иран Ислам Ингилабындан өнҹә Ираг шиәләри үчүн ајдын бир сијаси политика јох иди. Ираг ҹаванлары мүхтәлиф гәрбјөнүмлү ҹәрәјанлара гошулурдулар. Имам Хомејнинин (р.ә) Иранда ингилабы һәрәкаты башлатмасы вә Сәһид Сәдрин бу һәрәкаты дәстәкләмәси Ирагда јени фикри бир ојаныш вә һәрәкат јаратды. Ирагын ән-НУҸӘБА Ислами Мүгавимәт Тәшкилатынын рәсми сөзчүсү вурғулајыб: Әҝәр Иран Ислам Ингилабы олмасајды терроризм бүтүн реҝиону вә Ислам дүнјасыны бүрүјәҹәкди. Реҝион өлкәләринин һамысында вәһаби режимләри һакимијјәтә ҝәтириләҹәк вә мүсәлман милләтләри гула чевирәҹәкдиләр. Бу тәкфирчи террористләри јарадан Америка вә Исраил исә бундан фајдаланаҹаг вә өзләри тәһлүкәсиз јашајаҹагдылар. Мүһәндис әш-Шәммәри әлавә едиб: Ислам Ингилабы јени бир мүгавимәт һәрәкаты јаратды. Ҝәнҹ нәсил бу тәфәккүрлә бөјүдү. Бу ҝүн исә мүгавимәт мүдафиә һалындан чыхараг һүҹум форматында ирәлиләјир. О вурғулајыб: Бу бир һалдадыр ки, Ислам Ингилабындан габаг гәрбин һимајә етдији "Бәәс" режими Ислами ҹәрәјанлары мүнзәви етмишди. Һеч бир шиә һәрәкаты јох иди. Тәкҹә Шәһид Сәдрин вә "Ислами Дәвәт Партијасы"нын фәалијјәти иди ки, ону да Сәддам амансызлыгла арадан ҝөтүрдү, Шәһид Сәдри вә баҹысыны фаҹиәли шәкилдә өлдүрдү вә тәрәфдарларыны едам етди. Имам Хомејни (р.ә) һәрәкатындан сонра исә минләрлә мөмин ҹаван Шәһид Сәдрин јолуну ҝедәрәк Ислам Ингилабында әридиләр. Ислам Ингилабынын һәдәф вә шүарларыны изләдиләр, давам етдирмәјә чалышдылар. Һәмин һидајәт шөләси бу ҝүндә сөнмәјиб вә давам едир. Ирагын бүтүн ҹиһади Ислам фәалијјәтләриндә Ислам Ингилабынын принсипләри вә Али Мәгамлы Рәһбәрин арманлары тәсирә маликдир. әш-Шәммәри вурғулајыб: Ислам Ингилабындан өнҹә һеч ким Америка вә Исраилә гаршы чыхмаг барәдә сөһбәт белә етмирди. Бундан сөз ачанлары сәвијјәсиз данышмагда иттиһам едирдиләр. Исраил режими дә Ливаны өз гошунларынын мусиги групу илә алмагдан данышдырды. Ислам Ингилабынын мүгавимәт ҹәрәјаныны јаратмасы Исраилин мәғлубедилмәзлик "миф"ини јох етди. Ливанын Ислами Мүгавимәт Һәрәкаты (ҺИЗБУЛЛАҺ) 33 ҝүнлүк мүһарибәдә Исраилин јенилмәз ҝүҹ олмасынын бир нағыл олдуғуну дүнјаја исбатлады. НҮҸӘБА-нын сөзчүсү вурғулајыб: Ислам Ингилабынын баш вермәси вә бу ингилабын башында Али Мәгамлы Рәһбәр кими шүҹаәт вә һикмәт саһибинин дурмасы Аллаһын лүтфүдүр. Әҝәр бу мүбарәк вүҹуд, мәрҹәијјәтин дәстәји вә Ислам ҹүмһуријјәти олмасајды, реҝионда тәкфирчи ҹәрәјанларын гаршысыны алаҹаг вә ән гыса заманда мәғлуб едәҹәк бир ҝүҹ јох иди. Аллаһа шүкүрләр олсун ки, Ислам Ингилабынын баш вердији бир дөврдә јашајырыг вә ҝөзләримиз Мәһәммәд (с) дүшүнҹәси, Әли (ә) шүаҹаәти вә Һүсејн (ә) мүгавимәти јолунда мөһкәм дајанмыш бир рәһбәри ҝөрмәклә нурланыб. Биз јашадығымыз әср Һәзрәт Мәһәммәд (с) сүннәсин бүтүн дүнјаја јајылаҹағы вә Ислам дүшмәнләринин мәһв едиләҹәји бир әсрдир. Бу һәрәкат Һәзрәт Имам Заманын (ә.ф) зүһуруна зәмин јарадаҹаг бир һәрәкатдыр.
342/
