АБНА24 Хәбәр Верир, Иранын Бакыдакы сәфири Сејјед Әббас Моусәви вә Азәрбајҹан Республикасы дөвләт туризм аҝентлијинин сәдри Фуад Нағыјевин ҝөрүшүндә ики өлкә арасындакы сәрһәд кечидләриндән ҝедиш-ҝәлиш просеси вә визанын асанлашдырылмасы, һәмчинин бу саһәдә инфрастурктурларын тәкмилләшдирилмәси, туризм орган вә нүмајәндәләри арасындакы анлашмалар вә әмәкдашлығын ҝенишләндирилмәси, бу саһәдә тәҹрүбә вә информасија мүбадиләси, еләҹә дә хәзәрјаны өлкәләрин туризм әлагәләринин перспективи нәзәрдән кечирилиб. Азәрбајҹан Республикасы дөвләт туризм аҝентлијинин сәдри бу өлкәнин Гарабағдакы әразиләринин азад едилмәсинә ишарә илә һәмин бөлҝәдә туризмин инкишаф етдирилмәси фүрсәтләриндән данышыб. Нағыјевин сөзләринә ҝөрә, Гарабағын Ермәнистан тәрәфиндән отуз илә јахын бир мүддәтдә ишғал едилмәси нәтиҹәсиндә бу бөлҝәнин туризм имканларына нәзәрәчарпаҹаг хәсарәтләр дәјибдир. Еләҹә дә ислами ирс, һәмчинин дини вә тарихи јадиҝарлар да дахил олмагла туризм имканлары мәгсәдјөнлү сурәтдә дағыдылыбдыр. Моусәви дә Иран Ислам Республикасынын Азәрбајҹан Республикасынын әрази бүтөвлүјү вә суверенлијини һимајә етмәсинә тәкид едәрәк, бүтүн реҝионун инкишафы үчүн сүлһүн гурулмасыны ваҹиб һесаб едибдир.
342/
