Мәһәммәд Ҹавад Зәриф Чинин «Фоникс» информасија каналы илә мүсаһибәдә дејиб: Бирләшмиш Штатларын јени һөкумәти илә нүвә анлашмасы илә бағлы сон мәсәләләр барәдә Иран биринҹи аддымы атмајаҹаг вә өнҹә Америка өзүнүн нүвә анлашмасына сәдагәтини ҝөстәрмәлидир. Иранын хариҹи ишләр назири сонра белә гејд едиб: Америкалылар нүвә анлашмасы һаггында һәр һансы бир тәдбир ҝөрмәздән өнҹә Иранын онларын һәрәкәтләринә олан реаксијалары илә бағлы сајыг олмалыдырлар. Зәриф Фоникс мүхбиринин «Бајден дејибдир ки, Вашингтон нүвә анлашмасына сәдагәт истигамәтиндә илк аддымы атмајаҹаг. Теһранын бу барәдәки мөвгеји неҹәдир?» суалынын ҹавабында дејиб: Һәлә дә бу гәнаәтдәјәм ки, американлар һәлә өз сијасәтләрини јекунлашдырмајыблар вә буна ҝөрә, Ағ Ев Бајденин мөвгејини бир нечә дәфә ислаһ етмәјә мәҹбур олаҹагдыр. О, вурғулајыб: Тамамилә ајдындыр ки, Бирләшмиш Штатлар нүвә анлашмасындан чыхыб вә бир гајда олараг, һәмин өлкә нүвә анлашмасы барәдә јарымчыг сијасәтләр јүрүтмә просесини дајандырмалы вә санксија сијасәтләрини ләғв етмәлидир. Иранын хариҹи ишләр назири вурғулајыб: Иран һеч бир вәҹһлә гаршы тәрәфә имтијаз вермәјәҹәк.
342/
