АБНА24 Хәбәр Верир, Иранын мәһкәмә һакимијјәтинин сәдри гејд едиб ки, Шәһидләр Солејмани вә Әлмуһәндис терроризмлә мүбаризәнин гәһрәманлары олублар. Ајәтуллаһ Сејјед Ебраһим Рәиси Бағдад һава лиманында шәһидләр Һаҹ Гасем Солејмани вә Әбу Мәһди Әлмуһәндисин хатирә комплексиндә олараг, Ислам Дүнјасынын бу ики башыуҹа шәһидинин јүксәк дәрәҹәсинә һөрмәт ифадә едиб. Ајәтуллаһ Рәиси Ислам Ингилабынын Кешикчиләри Корпусунун Гүдс гүввәләринин команданы ҝенерал-лејтенант пасдар Һаҹ Гасем Солејмани вә Ираг халг сәфәрбәр гүввәләри тәшкилаты- Әлһәшдушшәби-нин сәдр мүавини Әбу Мәһди Әлмуһәндисин шәһид олдуглары мәканда белә гејд едиб: Иранлы вә ираглы ганы бу нөгтәдә бир-биринә пејвәнд олубдур. Бура, Американын ҹинајәти вә бејнәлхалг ганунларын позулмасы символудур. Иран Ислам Республикасы мәһкәмә һакимијјәтинин сәдри вурғуалјыб ки, бу ики бөјүк шәһид тәкҹә Ирана вә Ирага дејил, һәм дә Ислам Үммәтинә вә бәшәријјәтә аиддир. О, сонра дејиб ки, илаһи интигам әли һәмишә халгдан ҝәлиб вә ҝәләҹәкдир. Американын ИШИД террор групуна олан һимајәринә дә тохунан Ајәтуллаһ Рәиси дејиб: Американын өзү ИШИД-и јарадараг, ону һимајә едир вә бу террор групуна бүтүн кәшфијјат, силаһ вә малијјә имканларыны верир. Мүсәлман халгларын ҹанына дүшүр вә ИШИД-ин гаршысында дуранлары һәдәфә алыр. Иран Ислам Республикасы мәһкәмә һакимијјәтинин сәдри дүнән јүксәк вәзифәли бир нүмајәндә һејәтилә Бағдада дахил олуб. Ајәтуллаһ Рәиси Ираг али мәһкәмә шурасынын сәдри Фаиг Зиданын рәсми дәвәтилә бу өлкәјә сәфәр едиб.
342/
