АБНА24 Хәбәр Верир, Јени президент сәләфиндән фәргли олараг, Русијанын сөз азадлығы вә демократијаја һүҹум ҹәһдләринә сәрт реаксија верәҹәјини әлавә едиб. “Мән Русија президенти Путинә ачыг дедим ки, Русијанын агрессив аддымлары – бизим сечкиләрә мүдахиәси, киберһүҹумлар, өз вәтәндашларыны зәһәрләмәсинә вә с. сәрт ҹаваб вериләҹәк. Биз дәрһал Русијадан ҹаваб тәләб едәҹәјик вә халгымызын һәјат марагларыны горујаҹајыг”. Ҹо Бајден Русија илә јанашы, Чинин амбисијаларынын да артдығыны вә бу өлкәләрә сәрт ҹаваб вермәк әзминдә олдугларыны әлавә едиб. Бејнәлхалг Мүнасибәтләрин Тәһлили Мәркәзинин (БМТМ) Идарә Һејәтинин сәдри Фәрид Шәфијев Модерн.аз-а ачыгламасында Ҹо Бајденин Русијаја гарчы сәрт мөвгејинин Ҹәнуби Гафгаза, хүсусилә Азәрбајҹана тәсириндән данышыб. “Һәр бир глобал ҝүҹ арасында олан ҝәрҝинлик тәбии ки, мүәјјән бир өлкәләрә өз тәсирини ҝөстәрир. Ҹо Бајден бир тәрәфдән Русијаја гаршы мүәјјән аддымлар атаҹағыны дедији һалда, диҝәр тәрәфдән нүвә силаһлары илә бағлы разылашманын мүддәтинин узадаҹагларыны дејиб. Һәлә ки, Ҹәнуби Гафгаз вә Азәрбајҹан үчүн һансы тәсирләрин олаҹағы барәдә бир нәтиҹәјә ҝәлмәк тезди. Тәбии ки, мүәјјән аддымлар атылса, бу мүәјјән гәдәр Азәрбајҹана өз тәсирини ҝөстәрәҹәк. Чүнки Азәрбајҹан глобал игтисадијјатын бир үзвүдүр вә ән әсасы Русија илә бизим сәрһәддимиз вар”. Фәрид Шәфијевин сөзләринә ҝөрә, Азәрбајҹан-Русија достлуғу давам едәҹәк. Амма АБШ администрасијасындакы бәзи гүввәләрин 907-ҹи дүзәлиши бәрпа етмәк ҹәһди Азәрбајҹандан чох мәһз АБШ-ын марагларына зијан верәҹәк. “Ҹәрәјан едән просесләрә бахмајараг Русија илә һәмишә достлуг мүнасибәтләри гурмушуг вә бундан сонра да һәмин мүнасибәт өз ахарында давам едәҹәк. Ән әсасы гејд етмәк истәјирәм ки, 907-ҹи дүзәлишин бәрпасы АБШ-ын өзүнә зијан вураҹаг. Онсуз да орду гуруҹулуғунда, дөвләт идарәчилијинин инкишафында өз ресурсларымыза әсасланмышыг. Бурада хариҹи јардым ҹүзи характер дашыјыр”. Хатырладаг ки, 907-ҹи дүзәлиш 1992-ҹи илдә АБШ Конгреси тәрәфиндән ермәни лоббисинин тәсири илә гәбул едилән вә Азәрбајҹана Американын бирбаша јардымыны јасаглајан дүзәлишдир. Сәнәд 2001-ҹи ил октјабрын 24-дә АБШ-ын бејнәлхалг терроризмлә мүбаризәдә Азәрбајҹанла әмәкдашлығы фонунда дајандырылмышды.
342/
