АБНА24 Хәбәр Верир, Иранын Хариҹи Ишләр Назирлијинин мәтбуат катиби Сәид Хәтибзадә базар ертәси ҝүнү мәтбуат конфрансында, Иранын АБШ-ын бүтүн санксијалары ләғв етмәсини ҝөзләдијини бәјан едәрәк, әлавә едиб: "АБШ-ын өз өһдәликләринә гајытмасы лазымдыр вә әҝәр бу һәрәкәт баш верәрсә, Әһатәли Мүштәрәк Тәшәббүс Програмы чәрчивәсиндә данышыглар апармаг мүмкүндүр". Хәтибзадә Иранын стратежи сәбр вә нүвә анлашмасынын 26 вә 36-ҹы маддәләринә әсасән, өһдәликләрини азалтмасы бу бејнәлхалг анлашманын ајагда галмасына сәбәб олдуғуну бәјан едәрәк, дејиб: "АБШ-ын илк аддымы, санксијалары еффектив шәкилдә ләғв етмәк вә 2231 сајлы гәтнамәни там шәкилдә һәјата кечирмәкдир вә бу мәрһәләдән сонра Әһатәли Мүштәрәк Тәшәббүс Програмы масасына гајытманын да өз шәртләри вә мәрһәләләри вардыр". Иран Хариҹи Ишләр Назирлијинин сөзчүсү, Иранын Гафгаз бөлҝәсинә даир сијасәти һаггында да дејиб: "Теһранын бөлҝәдәки сијасәти меһрибан гоншулугдур вә Гафгаз гәдимдән Иран Ислам Республикасы үчүн мүһүм әһәмијјәт кәсб едиб".
342/
