АБНА24 Хәбәр Верир, Кремл сарајы бир бәјанат јајараг, Путинин АБШ-ла Русија арасындакы "Јени Старт" мүгавиләсинин даһа беш ил мүддәтинә узадылмасына даир сәнәдләри имзаладығыны билдириб. Һәм Дума, һәм дә Русија Федерасијасы Шурасы (Сенат) Москва илә Вашингтон арасында "Јени Старт" мүгавиләсинин узадылмасы барәдә разылыға ҝәлибләр. АБШ-ын јени рәһбәрлијинин мәлум мүгавиләнин узадылмасына даир разылығындан сонра Путин бунунла бағлы Русија Думасына бир ганун лајиһәси тәгдим едиб. "Јени Старт" мүгавиләси стратежи нүвә силаһларына нәзарәт саһәсиндә һәлә дә гүввәдә олан сонунҹу мүһүм мүгавиләдир. АБШ-ын кечмиш президенти Доналд Трамп бундан әввәл билдирмишди ки, Вашингтон тәкҹә мүәјјән шәртләр алтында бу мүгавиләнин јениләнмәси илә разылаша биләр. Мүгавиләнин мүддәти 2021-ҹи илин февралында сона чатыр. Гејд едәк ки, 2010-ҹу илдә Русија илә АБШ арасында әлдә едилән "Јени Старт" Сазишинә әсасән, ики өлкә 700 гитәләрарасы баллистик ракетләр вә бомбардманчы тәјјарәләр үзәринә гурашдырылмыш стратежи нүвә башлыгларыны мин 550 әдәдә гәдәр ихтисар етмәјә даир разылыға ҝәлибләр.
342/
