АБНА24 Хәбәр Верир, Иранын хариҹи ишләр назири Мәһәммәд Ҹавад Зәриф Тбилиси Һава Лиманында дејиб: "Реҝионун јүксәк сәвијјәли рәсмиләри илә реҝионал вә чохтәрәфли әмәкдашлыгларын дәринләшдирилмәси барәдә данышыглар апардыг". О, әлавә едиб: "Бөлҝә чәтин шәраити архада гојуб вә јени шәраитдә сүлһүн мөһкәмләндирилмәси илә јанашы игтисади вә транзит әмәкдашлыгларыны артырмаға чалышаҹағыг". Зәриф, Иран Ислам Республикасы илә Ҝүрҹүстан арасында јахшы мүнасибәтләрә тохунараг, дејиб: "Ҝүрҹүстанла гәдим әлагәләримиз вар бу өлкә илә әмәкдашлыг саһәләрини ҝенишләндирмәјә чалышырыг". Иранын хариҹи ишләр назири реҝион өлкәләри арасындакы транзит дәһлизинә ишарә едиб вә дејиб: "Ҹәнуб-Гәрб дәһлизи Ҝүрҹүстана битишир вә нәһајәт Гара дәнизә вә саһилјаны дөвләтләрә гошулур; Үмид едирик ки, реҝионал әмәкдашлыглар үчүн бу потенсиалдан истифадә олунаҹаг".
342/342/
